NETEJA DERA NHÈU EN VIELHA E MIJARAN

ER AJUNTAMENT DE VIELHA E MIJARAN INVERTÍS MÈS DE 80.000 € ENA NETEJA DERA NHÈU
Degut ara climatologia qu'auem aguest iuèrn, era Brigada Municipau der Ajuntament de Vielha e Mijaran a auut d'intervíer lèu de manèra contunhada des der inici des nheuades, ena neteja des carrèrs, carretères e accèsi as pòbles deth municipi, en tot distribuir 230 tonelades de sau.Entà qu'aguesta neteja se podésse hèr en toti es pòbles, enes melhors condicions e çò mès lèu possible, er ajuntament de Vielha e Mijaran a contractat machinària e personal extèrn, en tot supausar tot çò e enquiara un totau de 80.000€, ei a díder ua inversion 10 còps superiora ara der an passat.

ETH CAP DETH GOVÈRN D'ANDÒRRA VISITE ER AJUNTAMENT DE VIELHA E MIJARAN

Eth deluns dia dus de març eth Cap deth Govèrn d'Andòrra, Hble. Sr. Albert Pintat, visitèc er Ajuntament de Vielha e Mijaran, en tot èster recebut per Alcalde Sr. José Calbetó e pes dus Tinents d'Alcalde Pau Perdices e Alex Moga, entre d'auti representants municipaus.

Dempús de signar en Libre d'Aunor, eth Sr. Pintat s'entrevistèc damb es representants municipaus, entot arribar a un compromís damb era Equip de Govèrn entà iniciar ua collaboracion culturau e esportiua entre es dus territòris, atau coma entà entablar un dialòg entà tractar ahèrs de comun interès.Aguesta visita ei era prumèra que hè un Cap d'Estat non espanhòl entà Vielha e Mijara, ja qu'en gèr de 1991 visitèren er Ajuntament es S.S.M.M. es Reis d'Espanha, Juan Carlos e Sofía e anteriorament siguec eth Rei Alfonso XIII qui venguec en Junhsèga de 1924.