INAUGURACION DERA AULA D’INFORMATICA DETH CASAU DETH JUBILAT

Eth deluns dia 27 d’abriu s’inaugurèc era naua Aula d’Informatica deth Casau deth Jubilat Sant Miquèu de Vielha.Aguest nau servici a estat possible gracies ath convèni signat entre er Ajuntament de Vielha e Mijaran e era Obra Social “La Caixa”e era Associacion deth Casau deth Jubilat Sant Miquèu de Vielha, vigent enquiath 31 de deseme de 2012.Era naua installacion compde damb 8 ordinadors, ua impresora, un scàner, ua pantalha damb canon projector e ua machina de fotografia digitau.Er objectiu d’aguesta naua aula d’informatica ei introdusir ara gent grana en camp des naues tecnologies entà facilitar atau era sua participacion sociau.Es actiuetats e corsi previsti son: iniciacion basica ara iformatica, Internet, edicion de tèxtes, huelhes de càlcul, bases de donades, utisi de presentacion, vidèu e fotogracia digitau.Era inversion d’aguesta accion a estat de 40.000 €.

JUAN PAU PERDICES ALCALDE DE VIELHA E MIJARAN

Aué diuendres dia 3 d'abriu a auut lòc era presa de possession de J.Pau Perdices Pla coma alcalde der Ajuntament de Vielha e Mijaran.Eth Plen der Ajuntament de Vielha e Mijaran celebrat aué en Vielha a escuelhut a J.Pau Perdices Pla coma nau Alcalde de Vielha e Mijaran, damb es vòts a favor de Convergéncia Democratica Aranesa e deth Partit Porpular d'Aran e damb era abstencion des còssos d'Unitat d'Aran-PM-PSC.Damb aguest nomenament se da compliment ath pacte de govèrn entre CDA-PNA e eth PPA signat ar inici d'aguesta legislatura e peth que se alternaue era Alcaldia der Ajuntament.