Er airau de naues tecnologies inicie era programacion des corsi d’ostiu

Vielha.- Er ajuntament de Vileha e Mijaran mejançant er airau de naues tecnologies inicie naui corsi de formacion adreçadi as ciutadans e especiaument ara joenessa, damb un programa dessenhat entad aguest ostiu. Segontes eth còsso de cultura, joenessa, espòrts e naues tecnologies, Alex Moga, es joeni se trapen en ostiu damb pòga aufèrta formatiua en un temps en eth qu’era sua capabilitat de léser ei major. Per aguest motiu, s’a pensat en un programa formatiu que pogue atréir ad aguest collectiu.

De cara ath trimèstre de junhsèga, agost e seteme se daràn corsi de dessenh de planes web, edicion de vidèu e processament de tèxte. Eth prumèr cors, damb ua durada de 20 ores aurà lòc deth 13 ath 30 de junhsèga. Er objectiu deth cors ei impartir nocions sus era edicion dera pròpria plana web e eth coneishement des recorsi disponibles entà hè’c.

Eth dusau cors, eth d’edicion de vidèu, aurà un formar intensiu de 3 ores diàires, reparti en ua setmana e començarà eth 17 d’agost. En aguest cors, es participants coneisheràn es fases prealables ara edicion coma filmacion o eth guion cinematografic e eth sòn posterior tractament a trauèurs de programes informatics.

Fin finau eth cors de tractament de tèxte se realizarà deth 14 de seteme ar 1 d’octobre e en eth que s’ensenharà es coneishements basics entà elaborar desparièrs documents coma curriculums, cartes peronalizades o creacion de plantilhes entre d’auti. Er Ajuntament e Vielha e Mijaran subvencione eth 50% deth còst des corsi entàs vesins de Vielha e Mijaran e un 75% en còst entàs majors de 65 ans. Era actuacion forme part deth projècte Vielha Digitau qu’impolse era airau de Naues Tecnologies der Ajuntament de Vielha e Mijaran.

Descargar mès informacion

Er Ajuntament estudie crear ua minicentrau idroelectrica en Vielha entà generar energia renovabla

Vielha.- Er Ajuntament de Vielha e Mijaran trabalhe en un projècte d’energia renovabla en municipi, centrat ena construccion d’ua minicentrau idroelectrica plaçada en Cap dera Vila de Vielha.

Er ajuntament vò profitar era concession vigenta dera CHE d’ua antiga asserradora plaçada apròp dera pista forestau dera Ribèra deth Nere, en Cap dera Vila, entà remodelar es installacions e atau generar electricitat entath nuclèu de Vielha.

Segontes era empresa Arantec Enginheria, responsabla deth projècte, era minicentrau generarie ua emergia neta renovabla estimada en 1,8 Gwh/an que equivau a ua produccion annau de 680 tònes de CO2 o çò qu’ei çò de madeish, eth consum annau d’electricitat de 1200 abitants. Actuaument eth quilovat produsit se cotize a 7,8 cèntims eth Kw/ora.

Eth projècte requerís ua inversion aproximada d’un milion d’èuros entara installacion d’un transformador e ua turbina ath laguens dera bastissa actuau e eth bastiment d’ua canerada de 200 mètres de longada que conduïrà era aigua des de pògui mètres peth dessús dera renclusa enquiara turbina. En çò que tanh ara durada des òbres se calcule que poderien èster prèstes en un an, des dera obtencion des permisi

Segontes es redactors der estudi de viabilitat, eth projècte dera minicentrau ei ua apòsta entàs energies renovables e era repercusion mieiambientau serie minima ath non derivar substanciaument era aigua dera lhera der arriu e ath respectar eth caudal minim ecologic que garantís ua corrècta dinamica fluviau. Ath delà, eth sistèma de captacion se projectarà entà que non afècte ath paissatge

Tanhent ara inversion, er ajuntament ei titular dera finca pera que se projècte era canerada e tanben dera bastissa dera antiga asserradora, açò compòrte qu’era rendibilitat dera inversion demorada sigue deth 8,18 %. Atau madeish, er alcalde de Vielha e Mijaran, Pau Perdices, a sollicitat ajuda ara Deputacion de Lleida entath finançament deth projècte.

Mès d’un milèr de sòcis deth Palai gaudissen de descompdes

Els 1.125 abonadi deth Palai de Gèu de Vielha gaudiràn de descompdes ena entrada ath cinèma de Vielha gracies ar acòrd signat entre er Ajuntament de Vielha e Mijaran e eth Circuit Català de Cinema Digital.
Els 1.125 abonadi deth Palai de Gèu de Vielha gaudiràn de descompdes ena entrada ath cinèma de Vielha gracies ar acòrd signat entre er Ajuntament de Vielha e Mijaran e eth Circuit Català de Cinema Digital. Atau eth prètz dera entrada serà de 4,50€ quinsevolh dia dera setmana.
Ua des autes nauetats entàs abonadi ei er accés gratuït entara piscina descubèrta deth pòble de Gausac que se daurirà ath public eth dia 1 de juriòl enquiat 30 d’agost. Es abonadi auràn de presentar ua fotografia entà tramitar eth carnet que les darà accés.
D’aute biais, eth pròplèu dia 13 de juriòl començaràn es stages de patinatge artistic sus gèu organizadi pera Escòla de Patinatge deth Palai de Gèu en orari de 9 a 14 ores, e en eth qu’es abonadi gaudiràn tanben d’un descompde d’enquiath 60% segontes es dates trigades.Fin finau, era direccion deth centre a creat un nau servici tàs aficionadi ath pàddel que consistís en un abhonament de 10 sessions damb descompdes deth 20% entàs sòcis.

Guida damb totes es propòstes d'ostiu entara joenessa.

Er Ajuntament de Vielha e Mijaran mejançant er airau der Espaci Joen, a premanit era Guida d’Activitas d’Estiu, ath laguens deth programa Activa-te e Participa !!!!, qu’arremasse es principaus actiuetats de léser, culturaus e esportiues adreçades as joeni e que se desvoloparàn en territòri.

Segontes era Tecnica derh Espaci Joen, Maria Cinta Castillo er objetiu dera guida ei orientar as joeni e as pairs sus es desparières alternatiues de léser que i a en territòri pendent es mèsi d’ostiu. Era guida arremasse iniciatiues publiques, e privades, adreçades a un sector infantil-juvenil.
“A gates pera Bibliotèca”, “Escòla de Tènnis”, “Espòrts en Vielha”, “Er Espirau” e “Espaci Joen” son quauques des propòstes organizades per ajuntament e qu’auràn lòc pendent es pròplèus mèsi.
“A gates pera Bibliotèca” ei ua actiuetat adreçada ara mainadèra de 0 a 3 ans, e que a coma objectiu fomentar era lectura e er abit dera relacion entre es libres e es mès petiti. Era actiuetat se desvolope es dimèrcles d’11 a 12. Ath delà dera actiuetat, era Biblioteca auferirà eth talhèr “Era ora deth conde” entara mainadèra de 4 a 10 ans.
En ambit mès esportiu se presente era “Escòla de Tènnis”, “Espòrts en Vielha” e “Era Espirau”, totes eres organizades peth departament d’espòrts der ajuntament de Vielha e Mijaan. “Era Escòla de tènnis” ei adreçada a joeni de 6 a 16 ans e se realizarà es deluns e diuendres de 17 a 20 ores pendent tot er estiu enes pistes deth CEIP Garona e ena Sala Polivalenta de Vielha. “Espòrts en Vielha” amasse dus campus esportius de bàsquet e motos qu’auràn lòc deth 28 de junh enquiath 4 de juriòl e deth 2 ath 12 de juriòl, respectivament. “Era Espirau”, ei un casau esportiu en eth que se combine er espòrt, eth léser e era cultura que se desvoloparà deth 6 de juriòl ath 28 d’agost.
Er Ajuntament editat 3.000 exemplars d’aguesta guuida, que se distribuiràn per corrèu e enes dependéncies municipaus.

Vielha demana a la Diputació més suport per les EMD

Er alcalde de Vielha e Mijaran Pau Perdices, sollicitèc eth passat dia 17 de junh ath President dera Deputacion de Lleida, Jaume Gilabert, melhorar er assessorament tecnic e juridic des Entitats Municipaus Descentralizades (EMD) de Vielha e Mijaran

Gilabert, de visita eth dia 17 de junh en cap-lòc d’Aran damb moti dera Hèsta d’Aran, s’amassèc damb era corporacion entà debater ahèrs d’interès tath municipi. Perdices li manifestèc a Gilabert era mancança qu’an es EEMMDD en çò que tanh a assessorament tecnic e juridic tot e èster ua competéncia aquerida peth Conselh Generau d’Aran mejançant un convèni signat damb era Diputació de Lleida. Segontes Perdices er Ajuntament de Vielha e Mijaran a de hèr front a sèt Entitats Municipaus Descentralizades e non dispause de recorsi umans n’economics entà hè’c. “Es pedanies, tot e non auer massa competéncies, a nivèu de foncionament an es madeishes obligacions qu’un ajuntament o ua administracion locau e aguest hèt requerís ua complexitat administratiua quer Ajuntament de Vielha e Mijaran dificilament pòt assumir”, remerquèc Perdices. En aguest sentit Gilabert manifestèc que revisarà eth convèni signat damb eth Conselh Generau. Tanhent as infraestructures, Gilabert se comprometec a finalizar abantes dera fin d’enguan es òbres de melhora dera carretèra d’accés a Vilac, començades en mes de març e que supausen ua inversion d’un milion d’èuros. Er alcalde de Vielha e Mijaran demanèc ath President dera Diputacion era possibilitat de soterrar quauqui servicis coma era telefonia o ere lum profitant es òbres dera carretèra, atau coma auer en compde ar ajuntament ena contractacion des servicis entara neteja des accesi as nuclèus. Perdicers tanben reclamèc a Gilabert era collaboracion dera Diputació ena reforma estructurau deth pònt d’Aubèrt sus er arriu Garona. Fin finau, Gilabert anoncièc qu’a demanat ua entrevista damb eth Ministèri de Foment entàra melhora dera N-230 sustot en tram entre era Boca Sud e Vielha ja qu’entén qu’ei un eish vertebrador dera provincia. D’auti compromisi qu’eth Presiden dera Diputació assumic siguéren auançar en projècte dera trauèssa de Vielha e en melhorar era C-28 entre Salardú e eth Cap deth Pòrt.

II Campionat 30 Ores de Fotbòl Sala Vila de Vielha

Vielha acuelhec per dusau an consecutiu, eth Campionat 30 Ores de Fotbòl Sala Vila de Vielha, que se celebrèc pendent es dies 20 e 21 de junh e en eth que i participèren 18 equips procedenti principaument d’Aran, Lleida, Pont de Suert e dera Seu d’Urgell.

Eth torneg, organizat per Ajuntament de Vielha e Mijaran e era Associacion Esportiua Liga d’Aran (AELA) damb era collaboracion des Volentaris d’Aran, comencèc tàs 15 ores de dissabte damb er inici des partits de fase prealabla desputadi enes dues installacions, en nau Palai d’Espòrts e ena Sala Polivalenta.Es partits s’alternèren enes dues sedences enquiàs 4 dera maitiada e posteriorament se joguèc unicament en Palai d’Espòrts. Era competicion siguec formada per dus grops de cinc equips e dus grops de quate equips des quauas passèren es dus prumèrs classificadi ara fasa finau, en aguest cas es quataus de final.

Visita del secretari de CCOO a Vielha

Er alcalde de Vielha e Mijaran, Pau Perdices, s’’a amassat damb eth Secretari Generau de CCOO en Catalunya, Joan Carles Gallego, en un acte institucionau en eth qu’eth representant sindicau signèc en libre d’aunor dera institucion.

Perdices a felicitat a Gallego pera dubertura dera naua sedença ena Val d’Aran, plaçada en carrèr Montcorbison de Vielha e inaugurada eth dia 16 de junh. Segontes er alcalde, era preséncia deth sindicat permet as 1t65 afiliadi que i a en Aran dispausar d’un punt d’amassada mès apròp.

Pera sua part, Gallego a arregraït es paraules der alcalde e a animat ar ajuntament a participar enes convènis marc deth Sindicat entà crear ua complicitat damb es ajuntaments petiti e orientar as trabalhadors des institucions. En aguest sentit, Perdices manifestèc qu’er ajuntament dispause de convènis collectius que garantissen es drets des trabalhadors e trabalhadores, e se trabalhe, en aguest sentit, entà crear ua cultura sociau.Er alcalde de Vielha a declarat qu’era situacion actuau des trabalhadors en municipi, en eth qu’un 28 dera poblacion ei inmigrada, se trape en un punt feble degut ara repercusion dera crisi en sector dera construccion e a manifestat eth besonh de cercar linhes d’actiuetat economica entà garantir un minim d’estabilitat laborau. Perdices tanben declarèc eth besonh de formar as trabalhadors auent en compde qu’era formacion se trape centralizada en Barcelona. En aguest punt, Gallego s’a mostrat predisposat a arribat a un acòrd damb er ajuntament entà impartir formacion especializada entara tardor.

Esbaussament dera estacions tranformadora

Ath laguens deth projècte de melhora e reabilitacion dera zòna des antigues casèrnes militares de Vielha, er Ajuntament de Vielha e Mijaran e era empresa FECSA-ENDESA an arribat a un acòrd entà esbaussar era estacion transformadora d’electricitat que se trape en ua des entrades previstes entara zòna de parcatge.
Er hèt de trapar-se en ua des entrades deth parcatge hège imprescindibla aguesta actuacion municipau, ja qu’era entrada principau deth parcatge se place en crotzament des carrèrs Querimònia e Dr. Manel Vidal.
Aguesta actuacion ei ath laguens deth procés de reabilitacion e melhora deth parcatge public, en eth qu’er ajuntament a destinat ua inversion de 420.000€ e qu’inclodís era ampliacion deth parcatge enquiàs 350 veïculs de capabilitat, era senhalizacion des places, era illuminacion deth recinte, eth godronatge, sanejament des magers e retirada de tarcums des ribères der arriu Garona. Era finalizacion des òbres ei prevista entara fin de juriòl.

Jornada PIMESTIC del Sector Turístic i Hostaler

La Secretaria de Telecomunicacions i Societat de la Informació (STSI), l'agència ACC1Ó CIDEMCOPCA i l' Ajuntament de Vielha us convidem a participar en la jornada PIMESTIC del Sector Turístic i Hostaler que tindrà lloc el dimarts 30 de juny de 2009 , de 09.15 a 12.00 h , al Cinema de Vielha (Era Audiovisuau) Avinguda Calbetó, 25530, Vielha:

JORNADA PIMESTIC del Sector Turístic a VielhaAplica tecnologia i millora el teu negoci
Dia: dimarts 30 de juny de 2009

Hora: de 09:15 a 12:00 hores

Lloc: Cinema de Vielha (Era Audiovisuau). Avinguda Calbetó, 25530, Vielha.

Inscripcions: emplena el formulari o truca al 902 20 66 20

Benvolgut/da,La Secretaria de Telecomunicacions i Societat de la Informació (STSI), l'agència ACC1Ó CIDEMCOPCA i l'Ajuntament de Vielha us convidem a participar en la jornada PIMESTIC del Sector Turístic i Hostaler que tindrà lloc el dimarts 30 de juny de 2009, de 09.15 a 12.00 h, al Cinema de Vielha (Era Audiovisuau) Avinguda Calbetó, 25530, Vielha.
L’objectiu de la jornada és explicar els avantatges d’implantar les tecnologies de la informació i la comunicació (TIC) en els establiments del sector turístic i de l'hostaleria per a promocionar el negoci a Internet, atraure més clients i optimitzar la gestió. En la jornada es visibilitzaran casos d’èxit reals a partir d’un format innovador i participatiu, per tal que els assistents pugueu intercanviar informació i exposar dubtes. Així mateix, durant el transcurs de la jornada es donarà a conèixer el servei d’orientació per a les pimes en l’ús de les tecnologies digitals, i s’oferirà informació dels ajuts i les vies de finançament de les quals es poden beneficiar les empreses.La jornada PIMESTIC està dirigida a responsables d’establiments del sector turístic, comercial i de l'hostaleria.

Ordre del dia de la jornada

09:15
Acreditacions i Cafè de benvinguda
09:45
Benvinguda institucional, a càrrec de:
Il·lm. Sr. Pau Perdices, alcalde de Vielha e Mijaran.
I·lm. Sr. Alex Moga, 2n tinent alcalde de Vielha e Mijaran.

10:00
Com ens poden ajudar les TIC en el sector turístic i hostaler?Incorporar les TIC a les empreses representa múltiples avantatges que redunden en la competitivitat i productivitat de les empreses. Les empreses podran exposar a l'expert TIC amb àmplia experiència les qüestions del seu interès sobre els diferents temes tractats.
11:25
Presentació d'un cas d'èxit del sector
11:45
Conclusions de la jornada i presentació del Servei d'Orientació
12:00
Cloenda
Per assistir-hi és imprescindible emplenar el formulari o bé per telèfon al 902 20 66 20. Les places són limitades i s'assignaran per rigorós ordre d'inscripció. Tots els assistents rebreu material divulgatiu d'interès per al vostre negoci.La jornada PIMESTIC s'emmarca dins el Pla del mateix nom que promouen conjuntament la Secretaria de Telecomunicacions i Societat de la Informació i el Centre d'Innovació i Desenvolupament Empresarial (CIDEM) de la Generalitat de Catalunya per fomentar la implantació i l'ús de les TIC a les empreses catalanes. Vine a la jornada i informa't sobre com pots millorar la teva empresa.

Jordi Bosch i GarciaSecretari de Telecomunicacions i Societat de la Informació
Carme Botifoll i AlegreDirectora del Centre d'Innovació i Desenvolupament Empresarial

En compliment del que estableix la llei orgànica 15/1999 de 13 de desembre, de Protecció de Dades de Caràcter Personal (LOPD), s'informa que les dades que l'usuari facilita en aquest formulari de confirmació d'assistència a la jornada del Pla PIMESTIC.cat quedaran emmagatzemades en el fitxer automatitzat "Pla PIMESTIC.cat". Aquest fitxer és responsabilitat de la Secretaria de Telecomunicacions i Societat de la Informació, adscrita al Departament de Governació i Administracions Públiques de la Generalitat de Catalunya. Les dades seran tractades exclusivament amb la finalitat d'informar sobre les actuacions del Pla PIMESTIC.cat. Per tal de garantir-ne la confidencialitat, s'han implementat les mesures de seguretat necessàries i adequades al tipus de dades personals requerides, d'acord amb el Reial decret 994/1999, d'11 de juny, pel qual s'aproven les mesures de seguretat aplicables als fitxers automatitzats que contenen dades de caràcter personal.L'usuari té dret a accedir, rectificar i cancel·lar les dades introduïdes al formulari de subscripció. Ho pot fer adreçant-se per correu electrònic: info@pimestic.cat