L’ajuntament de Vielha e Mijaran convoca un minut de silenci contra l’atemptat d’ETA

Vielha.- Representants institucionals de l’ajuntament de Vielha e Mijaran juntament amb membres de la Guardia Civil i del Jutjat de Vielha, entre d’altres, s’han sumat al minut de silenci en honor a les víctimes de l’atemptat d’ETA d'ahir a Mallorca. La concentració silenciosa s’ha fet a les 12.00 del migdia en el porxo de l’ajuntament de Vielha e Mijaran.

13,8 milions d'èuros entara melhora der accés e installacions deth nau Tunèl de Vielha

Vielha e Mijaran (ACN).- Eth Ministèri de Foment a adjudicat es òbres d'adequacion, installacions, naues mesures de seguretat e mesures mediambientaus deth nau tunèl de Vielha damb un pressupòst de 13,8 milions d'èuros. Entre es òbres a hèr, destaque un pas inferior ara carretèra N-230 qu'a de servir coma pas de veïculs de marchandises perilhoses que circulen per antic tunèl, un pas de pedanhs entà accedir entara minicentrau de FECSA, drenantge d'aigües. En çò que tanh as mesures mediambientaus ei projectat hèr ua bassa entà arremassar abocaments contaminadi. Es encargats des òbres son ua amassada temporau d'empreses formada per Obrascón Huarte Laín S.A., Consa S.A. i Copcisa S.A.

El Trenet toristic de Vielha foncione en ostiu

Vielha.- Des de hè us dies s’a metut en foncionament eth Trenet toristic que pendent es mesi d’ostiu recorrerà eth nuclèu de Vielha. Pendent eth sòn trajecte se hè ua petita explicacion deth patrimòni, era istòria, es tradicions e es recorsi toristics dera vila. Damb eth trenet er ajuntament auferís as visitants un transpòrt divertit e agil que hè eth sòn recorrut autant ath maitin coma ena tarde. Er ajuntament a acondicionat un espaci en Passeg dera Libertat coma gessuda e arribada der itinerari. Eth trenet de Vielha a un orari d’11 a 13,30 ores e de 17 a 21 ores, toti es dies.

Er alcalde de Vilac demane precaucion pera perilhositat dera via d’accés ath pòble, en òbres

Vilac.- Er alcalde pedani de Vilac, Jose Rella, a demanat precaucion as visitants qu’aguesta dimenjada vagen entà Vilac damb motiu dera Hèsta Major. Eth retardiment enes òbre de melhora dera carretèra LV-5052 que da accés ath pòble des dera N-230, de titolaritat dera Diputació de Lleida, dificulten era circulacion pera via e supausen un risc entara circulacion nocturna.
Aguest meddia, er alcalde de Vilac, Jose Rella, acompanhat deth tinent d’alcalde de Vielha e Mijaran, Alex Moga, eth deputat de Lleida, Juan Riu e er enginhèr dera òbra, Enrique Regaño, an visitat er estat des òbres. Era demora ena subsitucion des linhes electriques per part de Fecsa Endesa a arretardit era òbra que se prevé que finalize eth pròplèu me de seteme. Autant er ajuntament de Vielha e Mijaran coma era pedania an demanat ara Diputació eth soterrament des linhes electriques, atau coma des servicis basics coma lum, gas e telefon.
D’aute biais, aguesta dimenjada, Vilac celebrarà era sua Hèsta Major, damb un programa plen d’actiuetats en eth que i poden remercar era missa deth dissabte entàs 12de meddia en aunor a Sant Fèlix damb era còca e moscatelh qu’ara seguida aufrirà era EMD, tot çò acompanhadi pera charanga Los del Cinca. Entàs 19 ores eth grop de dances Còlha de Santa Maria de Mijaran actuarà ena Plaça Major, e ath ser i aurà session de balh entà toti. Entà dimenge ath meddia i aurà era hèsta dera esluma e ena tarde jòcs infantils.
Coma nauetat er ajuntament inaugurarà eth dissabte es naui servicis publics. Segontes Rella damb aguesta iniciatiua s’auferís ath visitant un servici qu’actuaument ei inexistent en pòble ja que non i a cap bar ne restaurant. Eth nau servici, adaptat a minusvalids, se contemple operatiu entàs visitants des rotes guidades entara glèisa de Sant Fèlix de Vilac, temple romanic deth segle XII, o deth campanar, un des mès polidi dera Val d’Aran. Actuaument amassa damb eth pòble de Bossòst son es unics que dispausen de banhs publics.

Finalizada era reforma deth Carrèr Des Maries de Vilac

Vilac.- Mejançant eth hons deth plan estatau d’inversion locau e era aportacion dera EMD de Vilac, s’a podut dar contunhitat ara reforma deth carrèr Des Maries damb ua naua pavimentacion e eth soterrament des servicis basics. Dempús de 50 ans sense intervencions, en an 2006 era EMD realizèc era prumèra fasa dera reforma. Ara gracies ara aportacion estatau e ara inversion dera pedania s’a podut finalizar era òbra qu’a auut un pressupòst de 38.000 €.

Eth Santuari dera Mare de Diu de Mijaran acuelh era exposicion “La missió arqueològica del 1907 als Pirineus” dera Obra Social “La Caixa”.

Vielha.- Eth Santuari dera Mare de Diu de Mijaran acuelherà enquiath dia 8 de seteme era exposicion “La missió arqueològica del 1907 als Pirineus” organizada pera Obra Social “La Caixa” damb era collaboracion der Ajuntament de Vielha e Mijaran.
Er acte d’inauguracion s’inaugurèc eth dia 28 damb era assisténcia der alcalde Pau Perdices, eth còsso de cultura Alex Moga, eth delegat generau de La Caixa en Lleida, Joan Ramón Fuertes e deth rector deth Santuari, Mossén Pere Balagué, entre d’auti.
Era exposicion presente 17 fotografies dera mission scientifica de 1907 organizada per Institut d’Estudis Catalans e formada pes arquitèctes Josep Puig i Cadafalch e Josep Godoy, er istoriadors Guillem Mª de Brocà, eth conservador deth musèu episcopal de Vic, Josep Gudiol e eth fotograf Adolf Mas. Er objectiu dera mission ère explorar era part nauta des afluents der arriu Noguera Ribagorçana, visitar bastisses religioses e civils, préner fotografies e documentar es elements arquitectonics e es òbres d’art.

Er Ajuntament entrègue era recaptacion dera “Setmana dera Solidaritat” ara associacion Càritas Vald ‘Aran.

Vielha.- Er alcalde de Vielha e Mijaran, Pau Perdices, acompanhat deth 2au. tinent d’Alcalde, Alex Moga, entreguèren eth passat dia ¿??? Era recaptacion dera Setmana dera Solidaritat d’enguan ara associacion Càritas Val d’Aran. Es ingrèssi artenhudi pendent era setmana der 11 ath 19 d’abriu an estat de 5.000 €. Entar acte i an assistit era Presidenta dera Associacion , Montse Moga, e er arciprèste dera Val d’Aran, Mossén Pere Balagué i Bajona que s’an mostrat fòrça arregraïdi per acte der ajuntament.
Era Setmana dera Solidaritat ei ua iniciatiua impolsada per airau d’accion sociau e ciutadania der ajuntament e enguan a estat era cincaua edicion. Segons eth tinent d’alcalde “un còp mès er ajuntament a demostar èster a favor des desafavoridi e enguan s’a hèt ua especiau atencion ara gent que viu e trabalhe tath País”. Aguesta edicion a compdat damb era participacion de mès de 30 entitats que de manèra totaument desinteressada i an collaborat

Era remodelacion dera Plaça dera Cal de Betren melhore er entorn urban deth nuclèu

Betren.- Er ajuntament de Vielha e Mijaran a iniciat es òbres dera melhora integrau dera Plaça dera Cal de Betren profitant es ajudes as Entitats Locaus der Estat- Tot e qu'aguesta actuacion non se contemplaue en plan d'actuacions tath 2009, er ajuntament a priorizat era actuacion ja qu'era sua remodelacion a de melhorar substanciaument era estructura viària deth nuclèu. Era Plaça dera Cal de Betren presentaue fòrtes irregularitats e un mau estat de conservacion que provocaue problèmes enta evacuar es aigües en situacions de pluja. Damb es naues òbres s'a melhorat eth hilat de sanejament, d'abastiment d'aigua e de gas ja qu'eth numerò de segones residencies ei fòrça important en epòca de mès demana. Tanben s'an installat naui servicis basics coma telefonia e linhes electriques soterranhes.

Entara pavimentacion dera plaça s’a seguit era madeisha tipologia de materiaus iniciada damb eth renauiment deth carrèr Major de Betren en 2008. Ena Plaça dera Cal i e plaçada era Glèisa de Sant Estèue deth segle XII ath XIV ena que podem destacar eth timpan dera pòrta e era estructura dera façada damb cares en relèu. Entà reauçar era majestuositat deth temple, er ajuntament de Vielha e MIjaran acondicionarà eth perimètre damb ua zòna verda evitant atau eth parcatge de veïculs. Atau madeish s’acondicionarà un airau taht descans en eth que s’i plaçarà mobiliari urban e ua hònt. Er ajuntament prevé era fin dera òbra tath pròplèu mes d’agost. Era remodelacion dera plaça dera Cal de Betren a supausat ua inversion de 95.640 €.

Era biblioteca de Vielha aufrís eth servici “Diaris deth Mon” entà nauvingudi, toristes e estudiants.

Vielha,. Era Bibliotèca Generau de Vielha, de titolaritat municipau, dispause d’un servici especiaument util autant entàs nauvengudi coma entàs toristes que visiten eth municipi. Eth servici “Diaris deth Mon” permet era consulta de lèu 200 diaris de 60 païsi e en 20 lengües diferentes. Era iniciatiua, que compde damb eth supòrt dera Generalitat de Catalunya, permet obtíer mejançant tecnologia via satèllit ua còpia exacta dera edicion en papèr des diaris que se publiquen en tot eth mon. Segontes era directora dera bibliotèca, Anna Garcia, ath delà d’aufrir ua vision multiculturau ara ciutadania, se vò aufrir un servici util entàs toristes e nauvengudi ja que permet eth seguiment dera actualitat deth sòn país. Tanben en gessen beneficiadi es estudiants d’idiòmes en tot reforçar er estudi des lengües estrangères. Ath cant de diaris coma The Washington Post, Le Monde, La Stampa o eth Frankfurtes Allgemeine Zeitung, es usatgèrs tanben pòden consultar títols coma Clarin (Argentina) Tianjing Ribao (China), El Colombiano (Colòmbia), Manila Times (Filipines) enter d’auti.
D’aute biais era direccion deth centre a presentat eth balanç d’actuacion der an 2008, qu’inclodís un totau de 49 activitats realizades. Exposicions, talhèrs, lectures de condes, visites escolares e collaboracion en mieis de comunicacion son quauques des actuacions amiades entà dauant e qu’an obtiengut ua assisténcia de lèu un milèr de participants. Tanben s’a incrementat eth numerò de prèst en çò que tanh ar an anterior damb un totau de 22.049 prèsts, hèt que demòstre qu’era bibliotèca de Vielha ei tanben un centre de relacion e sociabilitat a on era poblacion i trape informacion, educacion e léser.
En çò que tanh ath volum de connexion a internet mejançant es ordinadors deth centre s’a vist redusit leugèrament en tot passar des 7-500 consultes as 6.900. Tot e qu’a favor s’a incrementat er usatge deth servici wifi damb un totau de 2.100 sollicituts deth servici.
Era bibliotèca de Vielha e Mijaran tot e èster un equipament municipau ei utilizat en un 50% per vesins de dehòra deth municipi. A compdar deth 25 de junhsèga, er equipament se higerà ar orari d’ostiu e per tant non s’auferirà eth servici enes tardes des dissabtes.

Er Espaci Joen de Vielha amplie era aufèrta ludica e esportiua entàs joeni damb naui talhèrs d’ostiu

Vielha.- Er Espaci Joen de Vielha a inicat era naua programacion d’ostiu damb activitats diàries adreçades autant entara mainadèra coma entara joenessa. Damb era dubertura der equipament pendent es maitins, hèta efectiva ara fin de junh, eth numerò d’usatgèrs s’a duplicat. Segon era dinamizadora deth centre, Maria Cinta Castillo, aguesta programacion va enfocada a aufrir ua varietat d’actiuetats, ja siguen esportiues, culturaus e de léser as joeni a trauèrs de desparièrs talhèrs setmanaus. De deluns a diuendres s’aufrissen 5 talhèrs setmanaus programadi en sessions de dues ores a compdar de tematiques desparières coma manualitats (plastilina, diboish, pintura, ceramica), iòga, cinefòrum, jòcs de taula o classes de repàs, entre d’autes. Er Espaci Joen de Vielha se metec en foncionament pendent er an 2006 e pendent er an 2009 s’a establit ua regulacion dubèrta tath sòn foncionament en tot auer reabilitat era totalitat der equipament. Er Espaci ei equipat damb un fotbolin, ua taula de ping-pòng e cinc ordenadors damb accés a internet. Aguest ei un lòc de trobada en eth qu’era joenessa de desparièrs origens se relacionesn e compartissen interèssi e besonhs.

Vielha met en foncionament eth skatepark entara practica esportiua

Vielha.- Es aficionadi ath patinatge dispausen des d’aguesta setmana dera naua installacion esportiua municipau de skatepark de Vielha. Era junta de govèrn der Ajuntament de Vielha e Mijaran aprobèc eth projècte e òbra der skatepark eth passat mes d’abriu, entot formar part d’un ambiciós projècte qu’a de convertir era zòna d’Eth Solan en un gran complèxe esportiu damb era futura construccion dera piscina descubèrta, deth fronton e d’ua pista poliesportiua.
Eth còsso d’espòrts der ajuntament, Alex Moga, a remercat qu’eth nau equipament a de corbir es besonhs des aficionadi ad aguesta disciplina esportiua e que desde hè fòrça ans reclamauen eth bastiment d’ua pista que complisque damb es paramètres legaus. Era zòna reservada entara practica deth monopatin s’a plaçat ath cant deth nau Palai d’Espòrts e a auut un còst de 33.000 èuros. Des de hè ans, es aficionadi ar “skate” utilizauen mobiliari urban entàs sues practiques esportiues, çò qu’ocasionaue quauqua queisha per part des vesins. Eth nau equipament, resolerà es inconvenients e assegurarà ua practica responsabla e damb totau seguretat. Des de que s’a metut en foncinament, era utilizacion dera pista ei lèu diària, per part des joeni que practiquen aguest espòrt. Enes pròplèus dies, er ajuntament de Vielha e Mijaran acondicionarà es entorns entà melhorar es accéssi ara installacion.

Es jornades Aran Occitània debaten era identitat aranesa damb un gran èxit de participacion

Vielha.- Vielha a acuelhut es Jornades Aran Occitània organizades per ajuntament de Vielha e Mijaran, era passada dimenjada deth 16 e 17 de junhsèga. Pendent dus dies s’an celebrat un conjunt d’actiuetats coma taules redones, conferéncies, jòcs infantils e exposicions dedicadi a debàter era realitat lingüistica e culturau d’Occitània e Aran.
Entar Alcalde de Vielha e Mijaran, Pau Perdices, es jornades responen ara responsabilitat dera administracion publica de fomentar er ús e era cultura pròpria. Es jornades Aran e Occitània prenen eth relèu des Jornades Urniversitàries Occitanocatalanes, organizades pendent ans peth Conselh Generau. Eth nau certament, damb format mès redusit, compde damb eth supòrt des Departaments de Politica Lingüistica e Governació dera Generalitat de Catalunya e damb eth supòrt deth Govèrn d’Aran e der Institut d’Estudis Aranesi.
Enguan es jornades an compdat damb era participacion deth Director General de Turisme, Joan Carles Vilalta, qui les inaugurèc damb ua conferéncia titolada “Era economia dera identitat”. Segons Vilalta, era identitat occitana pòt èster un factor beneficiós entara activitat economica deth territòri.
Es Jornades finalizèren eth diuendres damb era celebracion d’ua taula redona a cargue derh director dera Oficina Occitana en Catalunya, Jusèp Lois Sans, eth President der Institut d’Estudis Aranes, Jèp De Montoya e er expèrt en politiques d’inmigaracion, Angel Colom, e que debateren sus eth papèr dera Val d’Aran en Occitània.
Parallèlament se celebrèc un concèrt a cargue deth grop occitan “Lo Estar” ena plaça dera glèisa de Vielha atau coma ua conferéncia sus “150 ans de Mireia”, era novèlla der occitan Frederin Mistral, prèmi novèl de Literatura. Ua des activitats que se manten enquiara fin deth mes de junhsèga ei era exposicion “Es lengües un gran tresaus”, ena Bibliotèca de Vielha, e que se planteje coma un viatge a trauèrs der univèrs dera lengua damb era ajuda d’un personatge que n’actue coma hieu conductor.

Er ajuntament de Vielha e Mijaran vò arténher depurar ath 100% es aigües residuaus de toti es nuclèus deth municipi en mens d’un an

Vielha.- Er alcalde de Vielha e Mijaran, Pau Perdices, s’amassèc a començaments d’aguesta semana damb es representats der ACA en Lleida entà auançar es besonhs deth municipi en çò que tanh ath tractament des aigües residuaus. Actuaument , en tèrme municipau de Vielha e Mijaran, es nuclèus d’Aubèrt, Mont, Vila e Betlan contunhen sense depurar es sues aigües residuaus que s'ab`quen dirèctament en Garona.

Pròplèument ei previst eth començament des òbres dera depuradora d’Aubèrt, qu’en un principi sonque tractarà es aigües d’aguesta vila. Autant er Ajuntament de Vielha e Mijaran coma era EMD d’Aubèrt an demanat ar ACA era possibilitat qu’era installacion tanben tracte es aigües de Vila, Betlan e Montcorbau.

S’açò siguesse possible e segons es previsions der alcalde deth municipi, Pau Perdices, en mens d’un an se poderie arténher eth 100% des aigües lordes tractades e depurades deth municipi. Perdices cree que serie una bona carta de presentacion entà un municipi coma eth de Vielha e Mijaran, que a ena actiuetat toristicas era principau actiuetat economica e qu’era preservacion e er estat de conservacion des sues aigües constituïsque un des atractius principaus.

Naua deporadora en Arròs

D’aute biais, aguesta semana s’an iniciat es òbres entà canalizar e depurar es aigües residuaus deth nuclèu d’Arròs. Era naua depuradora ei plaçada a pògui mètres der arriu Garona e ua finca de proprietat dera EMD d’Arròs, apròp dera base des Servicis Ambientaus dera Val d’Aran.

Er Alcalde de Vielha, Pau Perdices, s’amassèc damb representants dera empresa d’enginharia que se n’encuede dera òbra e damb era presidenta dera EMD d’Arròs e Vila, Lourdes Santacruz, entà hèr un seguiment des actuacions e evitar ath maxim possible es talhs ena via publica. Cau auer en compde qu’er acondicionament d’un tram dera òbra serà en crotze ara nautada de Pònt d’Arròs damb er accés ath Saut deth Pish, Vilamòs e Arròs, un des mès transitadi en tempsada d’ostiu.

Er Ajuntament tanben trabalhe entà arténher qu’era ACA autorize eth bastiment de naui collectors en Vila, Aubèrt, Mont e Montcorbau.


Incidéncia en Vilac

Es riades deth mes de mai an deishat ath nuclèu de Vilac sense collector d’aigües residuaus hèt que provòque que s'abòquen dirèctament en arriu Salient, un afluent deth Garona.

Er Ajuntament de Vielha e eth President dera EMD, José Rella, dejà an metut en coneishement dera Agéncia Catalana der Aigua, qui s’a comprometut a actuar-i inmediatament.


Nau colllector en Mont

Era Agencia Catalana der Aigua a autorizat era connexion deth collector d’aigües lordes de Mont ar hilat que condusís entara estacion depuradora municipau plaçada en Bèussa, ena que seràc tractades e depurades, entà èster retornades tar arriu Garona.

Entar alcalde de Vielha e Mijaran, Pau Perdices, ei ua molt bona actuacion que compòrte era contunhitat der objectiu de depurar integrament es aigües de toti es nuclèus de poblacion deth municipi. Rebrembrèc qu’era depuradora de Bèussa tractarè es aigües residuaus de Betre, Vielha, Casau, Gausac, Vilac e Mont.

Luis Franco, director des Serveis Territorials de Justicia de Lleida, destaque era idoneïtat deth nau jutjat de Vielha

Vielha.- Aguest meddia eth director des Serveis Territorials de Justicia de Lleida, Luis Franco, acompanhat der alcalde Vielha e Mijaran, Pau Perdices, e deth jutje de Prumèra instància e Instruccion de Vielha, Javier Vázquez, an hèt era prumèra visita d’òbres as dependéncies deth futur jutjat de Vielha.
Franco a remercat era idoneïtat der espaci ar èster plaçat en còr de Vielha pera melhora des accesi qu’açò compòrte. Segon eth director territorial, es òbres auancen d’acòrd damb çò previst e ei fòrça probable qu’era bastissa sigue prèsta en pròplèu mes de noveme, e que per tant poderie èster operatiua entà prumeries der an que ven. En aguest sentit er alcalde de Vielha e Mijaran, Pau Perdices, s’a mostrat esperançat en melhorar er accés ath nau jutjat damb era dubertura d’un nau viau qu’amassarie era Plaça Corralets damb era Avenguda Castièro, èish principau de Vielha. Eth terren per a on se projècte aguest viau ei de titolaritat deth Ministeri de Foment e er ajuntament confie en arribar a un acòrd entara sua cession en tot melhorar era mobilitat deth casc urban.
D’aute biais, er ajuntament ei ara demora de recéber eth finançament der 1% culturau deth Ministeri de Foment que permeterà remodelar eth Passeg dera Libertat de Vielha, damb ua inversion de 800.000€, que complementarà er espaci deth jutjat en tot crear un airau liure de veïculs e destinada as vianants, en centre de Vielha. Er alcalde cree qu’era remodelacion supausarie ua importanta dinamizacion economica dera zòna.

Era comission de hèstes de Vielha , inicie es preparatius entara Hèsta Major

Vielha.- Era comission de hèstes der ajuntament de Vielha e Mijaran a començat es trabalhs entà premanir es actes dera Hèsta Major de Vielha, qu’aurà lòc deth 5 ar 11 de seteme. Enguan era comission a decidit dedicar era Net Tematica as “Cultures deth Mon”.Era diversitat de cultures que conviuen en municipi a estat un factr clau entà aprovar era tematica qu’a de mercar es disfresses d’aguesta naua edicion.
D’aute biais, s’a daurit eth periode d’inscripcions deth Campionat de Fonton enquiath 24 de juriòl ena oficina de torisme de Vielha. Ena anteriora edicion I participèren un totau de 30 persones que competiren enes categories individual e parelhes. Era comission tanben a decidit qui serà enguan era Reina e es Dames d’Aunors des Hèstes, mentres qu’era categoria infantila se decidirà per sorteg eth pròplèu dia 24 de juriòl.
Des de hè dies se trabalhe ena confeccion dera decoracion dera Sala de Hèstes e des carròces deth passavila dera coronacion, que an darrèr d’an requè ena destresa dera pintora locau Victòria Saurina. Tot e qu’encara non ei barrat eth programa oficiau, era comission manten ath laguens dera programacion activitats consolidades, coma eth campionat de pàddel, eth caraòque “Ath pè dera letra”, eth triatlon infantil, eth campionat de fotbolin, era finau de fótbol sala e es jòcs infantils, entre d’autes.

Endesa se compromet a reordenar es linhes electriques deth Cap dera Vila de Vielha

Vielha.- Gràcies ar acòrd entre er Ajuntament de Vielha e Mijaran e era companhia Endesa Energia se treiràn desparières linhes electriques aerees installades pendent ans provisionaument en Cap dera Vila de Vielha e qu’empraubien er aspècte d’aguesta zòna deth nuclèu. Enes darrèri ans, s’an realizat desparières promocions de viuendes ena zòna deth Cap dera Vila qu’amassa damb eth renauiment deth pònt deth Nere li an dat un aire renauit. Tot eth cambi positiu qu’a experimentat era zòna, era ordenacion electrica ère era sua assignatura pendenta. Hè pògui dies, era companhia Endesa comunicaue ar ajuntament eth compromís de retirar era linha electrica deth tunèl de Vielha. Damb aguesta accion e damb era metuda en foncionament dera naua estacion transformadora deth Prat de Teishineret se permeterà ua naua ordenacion electrica damb era totau garantia deth subministrament enes cases entàs pròplèus ans. Segons era alcalde de Vielha e Mijaran, Pau Perdices, eth projècte que dejà s’execute e finançat pera companhia, fome part d’un plan integrau de melhora deth Cap dera Vila de Vielha en tot èster una importanta inversion tath consistòri e que s’a materializar reabilitacion deth carrèr Major, eth carrer Sariulèra e eth basti damb ua inversion tath consistòri

Er ajuntament de Vielha e Mijaran invertís 150.000 euros ena remodelacion deth cementèri

Vielha.-Er ajuntament de Vielha e Mijaran a iniciat es òbres de remodelacion deth cementèri municipau de Vielha entà melhorar era sua accessibilitat e dar solucion ara manca d’espaci actuau. Es òbres consistissen ena creacion de 48 nichos e 50 columbaris , atau coma era de naui paviments e d’ua pòrta posteriora .
Tath bastiment des nichos e columbaris se harà ua estructura de hormigon que quedarà plaçada ena part centrau deth cementèri, atau madeish s’a procedit ara retirada de quauqui des arbres entara melhora deth paviment entot híger dus trepaders, atau coma era creacion d’ua rampa d’accés posteriora entà que i poguen accedir es veïculs.

Eth cementèri ei plaçat en carrèr Sant Miquèu e actuaument es sòns accési son redusidi. Er ajuntament de Vielha e Mijaran assumís era inversion de 150.000 euros e se prevé qu’es òbres siguen prèstes en 3 mèsi.

Eth nau jutjat de Vielha poderà daurir es sues pòrtes a començaments der an 2010

Vielha.-En tot complir es previsions iniciaus, des de hè uns dies s’an començat es òbres d’acondicionament deth nau jutjat de prumèra instancia de Vielha que se plaçarà ena recenta inaugurada plaça Mossen Joan Caseny de Vielha. Mentres duren es òbres se mantien operatiues es antigues dependéncies judiciaus atau coma er espaci abilitat, des deth pasat mes d’agost tath registre civil , e qu’ei proprietat der ajuntament de Vielha e Mijaran.
Eth nau jutjat dispausarà de 543 m2 repartidi en cinc plantes en un lòc centric deth municipi. Era amplitud des espacis melhorarà substanciaument era atencion as ciuatadans, segontes a declarat er alcalde de Vielha e Mijaran, Pau Perdices. Era inverison dera òbra entà abilitar tot eth nau jutjat ei de 167.500 euros.

Era auta bastissa, a diferéncia dera anteriora, suprimirà es barrèrs arquitectoniques e s’adapte ara naua normatiua contra huecs. Ena planta soterranha se i plaçarà era sala de demora, era de procuradors e era d’abocats, er archiu deth burèu judiciau atau coma era zòna de detengudi. Ena planta baisha se i plaçarà eth registre civiu, ua sala de demora e ua sala multiusi, entre d’auti. Es autes plantes se destinaràn a burèus entàs trabalhadors.
Segontes es tecnics responsables dera òbra se prevé qu’eth pròplèu mes de noveme sigue dejà prèsta, de manèra qu’era dubertura des naues dependéncies judiciaus poderie hèr-se efectiua a inicis de 2010.
Er alcalde de Vielha e Mijaran, Pau Perdices, ei fòrça satisfèt damb er auanç des òbres e damb era melhora deth servici ara ciutadania qu’aguest hèt represente.

Er ajuntamtent de Vielha e Mijaran collabòre damb era campanha “Mulla’t per l’esclerosi múltiple”

Vielha.- Er ajuntament de Vielha e Mijaran darà suport eth pròplèu 12 de junhsèga ara campanya solidària “Mulla’t per l’esclerosi múltiple” entot cedir era piscina deth Palai de Gèu. En aguesta campanya de sensibilizacion sociau e de captacion de hons i participen un totau de 600 piscines de tot Catalunya e mès de 7.000 persones qu’eth dia 12 de junhsèga se banharàn nadant en solidaritat pera luita contra era escleròsis multiple.
Era Fundació Esclerosi Múltiple ei ua entitat sense anim de lucre, que a coma objectius fomentar e dar supòrt ara investigacion scientifica d’aguesta malautia e melhorar era atencion sociosanitària des persones afectades.

Er alcaldel de Vielha e Mijaran receb a 400 peregrins de camin entà Lourdes

Vielha.- Er alcalde de Vielha e Mijarana, Pau Perdices, a recebut a lèu 400 persones dera associacion Hospitalitat de Tarragona qu’ager s’arturèren en Vielha en sòn romiatge entà Lourdes. Er ajuntament de Vielha e Mijaran, coma dejà hè abituaument, cedís de franc es installacions dera sala polivalenta entà que poguen hèr un dinar d’afrairament, sustot aqueres persones qu’an mobilitat redusida. Perdices acompanhat der arquebisbe de Tarragona, Jaume Pujol Balcells arregraïc era visita ath caplòc d’Aran.

Via liura entath bastiment de pisi protegidi en Vielha e Mijaran

Vielha.- Era Direcció General de Promoció d’Habitatge a trauèrs der Institut Català del Sòl, bastirà 12 naues viuendes de proteccion oficiau en carrèr Anglada de Vielha. Aguesta promocion se hig a ua dusau que s’està amiant entà dauant en Solan de Vielha damb 15 viuendes e 15 parcatges naui qu’en totau, sumen 27 naues viuendes protegides en municipi de Vielha e Mijaran.
Era visita aué deth Director Generau de Promoció de l’Habitatge, Joaquim Gascó i Palacin e deth Director adjunh der Alt Pirineu i Aran des Serveis Territorials a Lleida, Oscar Augé, a permés era collaboracion entre aguestes dues institucions ena signatura d’un convèni que modifique eth signat en gèr de 2006 e que hè referéncia ath bastiment de 35 viuendes en solar deth cinèma de Vielha.
Era modificacion deth convèni limitarà eth bastiment a 15 viuendes que se plaçaràn eh solar que i a ath cant deth cine de Vielha e en eth qu’actuaument i a plaçat eth frontón. Se manten atau eth cinèma de Vielha, ja qu’ei er unic equipament culturau que i a en Aran, çò que permet qu’es vesins poguen contunhar gaudint deth madeish.

Entà suplir era reduccion de viuendes, er alcalde de Vielha e Mijaran, Pau Perdices, a propausat ath Departament d’Habitatge dues naues parcèlles urbanizables entà destinar-les ath bastiment de viuendes protegides.
Ua d’eres de 700 m2 correspont ath plan parciau nº 2 de Betren e ena que se i poderàn bastir 10 viuendes en regim de loguèr e era auta correspon ara zòna Còto Maró , en centre de Vielha, que coma fegura urbanistica siguec dejà aprovada ena darrèra comission d’urbanisme en tot èster pendenta deth projècte d’urbanizacion. En aguesta parcèlla de 800 m2, se i pòden bastir 20 viuendes mès, ja sigue en regim generau o ben concertat. Perdices tanben a manifestat er interès der ajuntament entara promocion d’abitatges enes auti nuclèus deth municipi, enes que dejà s’amien entà dauant promocions coma ei eth cas de Gausac o Casau, entre d’auti.

En çò que tanh ara promocion des Anglades, se calcule qu’es òbres poderien començar ara fin de 2009, dempús dera redaccion deth projècte executiu. Tanhent ara promocion d’Eth Solan se destinaràn es abitatges a un loguèr de 10 ans damb opcion a compra.
Dempús dera signatura deth convèni, Perdices, Gasó i Augé an visitat es òbres dera promocion de viuendes que s’amie entà dauant en Solan, iniciades en an 2008, damb eth bastiment de 20 viuendes de loguèr, e qu’an prevista era sua finalizacion tath mes de noveme d’enguan.

Er alcalde de Vielha e Mijaran, Pau Perdices, considère intolerable eth naut index d’accidents dera N-230

Vielha.- Er alcalde der ajuntament de Vielha e Mijaran, Pau Perdices, a lamentat era grauetat der accident que s’a produsic aué en Vielha en punt quilometric 160 dera N-230 damb eth resultat d’un mòrt e un herit grèu. Er accident s’a produsit entàs 8 deth maitin quan un torisme a tustat frontaument damb un camion ar auançar. Eth conductor e eth copilòt deth torisme son dus vesins de Vielha.
Parallèlament ara N-230 ena nautada de Forcat, ena comarca vesia dera Ribagorça, s’a produsit un nau accident ath capvirar-se un camion petit damb eth resultat d’un herit
Aguesti dus sinistres meten nauament de manifèst eth mau estat dera via e er urgent besonh dera sua melhora, qu’a estat reclamada constantment pes autoritats locaus. Segons Perdices ei intolerable eth naut index de sinistralitat dera N-230 e ei incomprensibla era demora per part deth Ministerio de Fomento entà solucionà’c.

Perdices rebrembe qu’eth municipi de Vielha e Mijaran ei ara demora per part deth Ministerio, de recéber eth projècte definitiu de melhra dera N-230 en tram que va des dera Boca Nòrd a Vielha e rebrembe qu’enes darrèri mèsi es incidéncies an estat peth dessús dera mieja, e ara que malerosament es ciutadans de Vielha son acostumadi.

”Ei incomprensible que diàriament se produsisquen talhs intermitents ena via, ja sigue per accident o peth simple hèt de que dus camions non se poguen crotzar en determinadi punts degut ara estretor dera cauçada”. Es talhs tanben afècten ath nau tunèl de Vielha damb arturades superiores as 10 menutes peth pas de marchandises perilhores, ja qu’eth projècte de reforma deth tunèl vielh se manten paralizat tot e es promeses de melhora.

Acòrd entre er ajuntament e Endesa tath soterrament dera linha electrica dera Ribèra deth Nere

Vielha-. Er ajuntament de Vielha e Mijaran e era empresa ENDESA Energia, an arribar a un acòrd que permeterà era desaparicion dera linha electrica existenta entre eth Cap dera Vila de Vielha e era Boca Nòrd deth tunèl de Vielha.
Aguesta linha se bastic enes ans 50 e subministraue era corrent electrica ar antic tunèl. Damb eth bastiment deth nau tunèl Juan Carlos I, era alimentacion se hè a trauèrs d’ua linha soterrada construïda en camin dera Ribèra deth Nere. De cara ath mes de junhsèga se meterà en servici aguesta dusau linha de seguretat d’abastament electric entot suprimir era linha aèrea.

Er alcalde de Vielha e Miajaran, Pau Perdices, considère qu’aguesta actuacion de melhora pemeterà recuperar er entorn ambientau dera Ribèra, que degut ath bastiment dera carretèra N-230 a patit un gran impacte paissagistic pendent fòrça ans.
Aguesti trabalhs son previsti tath mes de junhsèga. Pendent aguesti dies, desparièrs operaris amien entà dauant es preparatius de besonh entà coordinar era operación que s’a de desvolopar sens interrompir eth subministrament electric ath tunèl.

Coma contunhacion d’aguesta actuacion s’a procedit a sollicitar ara empresa Telefónica, eth soterrament d’ua linha provisionau que s’isntallè’c de manèra urgenta a principis des ans 90 e que crotze autant era Ribèra deth Nere coma era zòna de Conangles ena Boca Sud deth tunèl. Pendent vint ans, era linha a quedat plaçada de manèra deficienta e ei era unica que se manten actuaument en aguesta zòna. Er ajuntament s’a mercat coma objectiu eth sòn soterrament.

Er ajuntament contròtlarà era qualitat der aigua de boca a trauèrs d’un sistèma tecnologic de contròtle remòt.

Vielha.- Melhorar era seguretat e eth contròtle dera qualitat dera aigua de boca en municipi de Vielha e Mijaran ei un des objectius que s’a mercat er equip de govèrn. Er ajuntament de Vielha e Mijaran a implantat un auançat sistèma tecnologic de contròtle remòt enes depòsits dera major part des nuclèus qu’intègren eth municipi. D’aguesta manèra se pòt obtíer un contròtle diari dera quantitat de clòr en aigua o es possibles pèrtes o pannes en tot moment. Era implantacion d’aguest sistèma a anat acompanhat d’un plan de melhores en captacions, canoades e installacions valorat en lèu 840.000 €.

Eth nau sistèma tecnologic permet hèr un seguiment deth consum diari, des possibles pèrtes o dera quantitat de clòr que i a en aigua, atau coma deth volum d’entrada e gessuda, dera quantitat d’aigua acumulada o en resèrva. Açò permet aumentar eth contròtle e era seguretat ath delà d’evitar desplaçaments entàs installacions municipaus.

Eth sistèma que dejà s’a implantat en sies des nuclèus deth municipi, s’alimente a trauèrs dera installacion de plaques solares qu’envien telematicament es donades a ua centrau.

Actuauament eth sistèma d’abastament d’aigua ei integrat per 10 depòsits e 24 captacions. Era aplicación deth nau sistèma a comportat era melhora de captacions e canalizacions enes pedanies d’Aubèrt, Arròs e Vila, Casau, Betren o Vielha. En cas des melhores de Betren s’assegure eth subministrament autant present coma futur aportant aigua ath sistèma de Vielha e en cas d’Arròs e Vila s’a renauit era canoada en 400 mètres. En çò que tanh a Aubèrt, Casau e Escunhau-Casarilh s’an melhorat es captacions, depòsits e canalizacions.

“Poder auançar-se as possibles pannes mos permet actuar damb tota seguretat capas ciutadans. Per aguest motiu, er Ajuntametn a amiat entà dauant un ambició e de besonh projècte de renauiment det tot eth sistèma de gestion d’abastament d’aigua en municipi ja qu’en quauqui endrets ère fòrça vielha”, declare er alcalde de Vielha e Mijaran Sr. Pau Perdices. En aguest sentit, Perdices contraditz es paraules deth còsso d’Unitat d’Aran Juan Riu, ar acusar ath consistòri de manca d’actuacions enes pedanies, ja qu’era inversion que ara se ha hèt supère en quantia as que se héren estan Riu alcalde.

Eth nau sistèma e es melhores realizades fomern part deth Plan Director dera Aigua aprobat eth passat mes de noveme