Eth plan de mielhora de Còto Março permeterà ua melhor mobilitat deth centre de Vielha

Vielha.- Damb era aprobacion deth plan de mielhora urbana 2.2, dera zòna Còto Março de Vielha s’afavorirà era zòna entàs pedanhs en nuclèu antic e era mobilitat en centre de Vielha. Era Comission d’Urbanisme dera Val d’Aran aprovèc definitiuament eth plan de mielhora eth passat dia 23 de deseme.
Segons er alcalde de Vielha e Mijaran, Pau Perdices, era urbanizacion dera zòna ei pendenta de desvolupar des de hè 28 ans. Eth projècte, iniciat ena anteriora legislatura, aumentarà sensiblement eth numerò de places de parcatge dera zòna e artenherà connectar era Avenguda Pas d’Arró damb era zòna nauta deth nuclèu e integrar era zòna urbana damb eth nuclèu antic, atau madeish mIelhorarà es connexions inexistentes de quauqui carrèrs coma eth de Sant Miquèu que connectarà damb Pas d’Arró e tanben damb es carrèrs Meddia e Camin de Sobernedo.
Era darrèra Comission de Patrimoni deth Conselh Generau d’Aran dèc era sua aprobacion ath projècte tot e que damb era recomanacion de que se realizèsse un seguiment arqueologic des trabalhs urbanistics. Era urbanizacion dera zòna Còto Março desbloqueje un ambit plaçat ath miei dera vila qu’auie de besonh d’integrar-se ath laguens dera trama urbana, permentent fin finau qu’es particulars poguen desvolopar urbanisticament es sues proprietats, remèrque Perdices. En contrapartida, er Ajuntament obtierà resèrva de terrens dotacionaus publics e solèr entath bastiment d’abitatges protegidi. En totau se poderàn bastir 68 viuendes, des quaus 13 en seràn de proteccion oficiau de regim generau, 7 de prètz concertat e 7 dera naua tipologia d’abitatge concertat catalan. Tanben i aurà era possibilitat d’incrementar eth numerò d’abitatges protegidi enes naues zònes d’equipaments publics, en aguest cas mejançant abitatges dotacionaus de loguèr.

Gausac melhore era part nauta deth nuclèu damb naui parcatges e zòna verda

Vielha.- Eth bastiment d’un mur de peirada ena part nauta deth nuclèu de Gausac renauirà era imatge deth madeish, e pemeterà dispausar de mès espaci public, ua zòna verda e ua naua zòna de parcatge public. Es òbres deth bastiment deth mur de peirada en carrèr Sabarta se comencèrem hè ues setmanes e se prevé que siguen acabades tath mes de hereuèr.
Segons er alcalde pedani de Gausac, Jesús Ordoñéz, ei ua òbra prioritària auent en compde que recentament aguesta zòna auie estat afectada per un esbaussament de tèrres provocat principaument pes fòrtes nheuades der an anterior. Damb era construccion d’aguest nau mur, era part nauta deth nuclèu renauirà era sua imatge. Es òbres an un pressupòst de 78.970 èuros.

Era Comission d’Ubanisme dera Val d’Aran vò dar eth vist-e-platz ath projècte de redubertura de La Tuca

Vielha.- Era Comission d’Urbanisme dera Val d’Aran dèc ager lum verda ara modificacion des Normes Subsidiàries e Complementàries deth Planejament dera Val d’Aran en sector deth “pè de pistes” de Tuca, a on i a prevista era recalificacion de 80.000 mètres quarrats repartidi en 560 viuendes, des quaus 130 seràn de proteccion oficiau. Segontes er alcalde de Vielha e Mijaran, Pau Perdices, ei un pas fòrça important entath municipi tot e qu’era aprobacion d’ager ei ua gestion sonque urbanistica qu’a d’anar ligada ath Plan Especiau de desvolopament dera futura estacion d’esquí, e per tant non se tracte d’un procés inmediat senon a un plaç de dus ans en eth que ei important véir quina serà era evolucion deth mercat immobiliari.
Eth projècte urbanistic de La Tuca en eth qu’ara sonque ei permés eth bastiment de 19 abitatges ei venculat ath Plan Especiau de Desvolopament dera estacion que tanben aurà d’èster aprovat pera Comission d’Urbanisme atau coma as condicions administratiues des proprietaris des montanhes que requèn enes Entitats Municipaus Descentralizades de Betren e Escunhau e Casarilh.
Er alcalde felicitèc era predisposicion dera Generalitat entà amiar entà dauant eth projècte de redubertura dera estacion, susot auent en compde es dus darrèri ans plens de deficultats entà amià’c tà dauant. “Ei un pas definitiu en eth qu’er Ajuntament de Vielha e Mijaran prén eth compromís de hèr possible esquiar en municipi” declarèc Perrdices. D’aute biais, era licència d’òbres serà tanben condicionada ar aval bancari de 50 milions d’èuros qu’aurà de presentar era empresa Tucaran Resort.

Conformitat entre es vesins entà qu’eth Passeig dera Libertat de Vielha sigue liure de veïculs

Vielha.- Era amassada damb lèu 40 des vesins deth Passeig dera Libertat de Vielha a resultat deth tot satisfactòria, a afirmat er alcalde de Vielha e Mijaran, Pau Perdices, qui s’amassèc damb es afectats pera remodelacion d’aguest lòc centric dera vila.
Toti es assistenti coincidiren ena oportunitat de melhora que supausarà era naua urbanizacion deth passeig avalorada en pròp de 860.000 èuros, des quaus 290.000 èuros provieràn dera aportacion der 1% cultural deth Ministeri de Foment aprovada eth 4 de noveme e ua subvencion de 440.637 èuros deth Pla d’Obres i Serveis dera Generalitat. Er alcalde viatjèc entà Madrid tà materializar era subvencion autrejada pera entitat estatau.
Er envielhiment deth passeig e era manca d’actuacions pendent lèu 40 ans auie malmetut eth caractèr comerciau d’aguesta via principau. Ara, damb eth projècte de melhora se pretén revitalitzar er eish comerciau de Vielha damb era restriccion dera circulacion de veïculs e era proïbicion der estacionament en aguest punt. Es otelèrs e comerçants demanèren garanties ar Ajuntament entà mantíer es servicis de càrrega e descàrrega en otèls e comèrci damb çò qu’er Ajuntament i siguec d’acòrd .
Damb era futura urbanizacion, se permeterà ua circulacion rodada controtlada, sense possibilitat de parcatge e en un unic sentit. Es òbres començaran passada Setmana Santa e se calcule qu’eth nau passeig poderie èster acabat a principis deth mes de agost. Er alcalde se mostrèc satisfèt pera comprension des vesins ena afectacions que pòden auer per es òbres pendent eth temps previst.
Es vesins profitèren era amassada entà sollicitar era urbanizacion des carrèrs des entorns coma eth carrèr Anglada, eth carrèr Bergàs e eth Camin Reiau, ua demana qu’ estudiarà eth consistòri. Segons Perdices, ei ua prioritat der equip de govèrn daurir era zòna der antic otèl Internacional que permeterà era union dera plaça Mossèn Joan Casseny damb era avenguda Castièro entà dar mès esponjositat e fluxe ath centre dera vila. Athdelà, er Ajuntament s’a compromés a urbanizar era plaça Sant Orènç, era placeta Corralets e eth carrèr Estret aguest 2010.
Er alcalde de Vielha e Mijaran ei ara demora qu’eth Departament de Política Territorial i Obres Públiques dera Generalitat de Catalunya collabòre ena urbanizacion de tot aguest sector, ua demanan qu’er alcalde a hèt a arribar ath director general d'Arquitectura i Paisatge deth Departament de Política Territorial e Obres Públiques (DPTOP) dera Generalitat, Joan Ganyet.

Er ajuntament de Vielha e Mijaran hèr un aumenatge a quate trabalhadors municipaus e a Frederic Vergés

Vielha.- Er Ajuntament de Vielha e Mijaran hec un aumenatge ath professor jubilat deth centre d’educacion primària de Vielha, Frederic Vergés, pera sua trajectòria professionau coma docent e pes sues aportacions ara cultura aranesa ath capdauant deth Centre de Normalizacion Lingüistica pendent ans. Vergés recebec ua placa conmemoratiua dera man des bailes que des der an 1979 enquiara an estat ena alcaldia deth municipi coma Javier Tous Ademà (1979-1987); José Calbetó Giménez (1987-1999 e 2007-2009); Juan Riu Llonch (2003-2007) e er alcalde actuau Pau Perdices Pla. Ath delà de a Vergés, tanben se hec un aumenatge a quate trabalhadors municipaus en actiu damb mès de 25 ans de dedicacion ath consistòri. Dera man des quate alcaldes se desliurèc ua placa a Rosa Mari Alcorta (42 ans traballadi), a Virtudes Nart (36 ans trabalhadi), a Jaime Solé (25 ans trabalhadi) e a Pilar Hervada (25 ans trabalhadi).

Bones Hèstes

Planvoludi vesins, planvoludes vesies

Ath dauant des pòrtes de Nadau, voleria hèr-vos a arribar eth mèn desir d’ues Bones Hèstes. Ei un moment d’illusion deth que demori qu’en pogatz gaudir en companhia dera vòsta gent.
Coma Alcalde, aguesti dies tanben son propicis entara reflexion. Sò conscient des deficultats economiques existentes e qu’en fòrça casi son un patiment personau e familhar viscut damb soletat e que represente un moment fòrça duro entà fòrça familhes deth nòste municipi. Voi que sapigatz que tota era Corporacion Municipau trabalhe damb es sues maximes fòrces entà superar aguesta dificila situacion.
Començam era an 2010 damb projèctes fòrça ambiciosi tath municipi, coma son era remodelacion deth Passeg dera Libertat, eth bastiment d’ua piscina descubèrta municipau, era reforma deth cine e plan importantes actuacions enes auti pòbles deth municipi, atau coma ua melhor aufèrta de servicis qu’an de perméter un creishement socioeconomic tath municipi. Tot e açò, auem clar que mos quede fòrça per hèr. Cau que Vielha e Mijaran sigue un municipi capdeuantèr en eth qu’es sòns vesins e vesiens i siguen comòdes, e tanben mos cau mantier viues es nòstes tradicions, istòria e patrimoni que mèrquen era nòsta manèra d’èster e de hèr. Damb era illusion d’un melhor an entà toti, en nòm pròpri e en eth de tota era Corporacion Municipau voi desirar-vos un Bon Nadau.

J. Pau Perdices Pla
Baile de Vielha e Mijaran

Vielha e Mijaran dispausarà d’un registre pròpri de sollicitants d’abitatges protegidi.

Vielha.- Pròplèument, es persones interessades en dispausar d’un abitatge public en Vielha e Mijaran, poderàn tramitar ua sollicitud ar ajuntament que permeterà conéisher era demana existenta. Aguest dimarts, era Junta de Govèrn Locau aprovèc eth convèni entre er Ajuntament e era empresa publica ADIGSA, depenenta dera Generalitat, peth quau era Generalitat cedís er usatge deth programa informatic ar Ajuntament entà desvolopar aguest registre. Era creacion d’un registre d’aguestes caracteristiques ei un pas mès entà poder dispausar d’un burèu locau d’abitatge en Vielha e Mijaran, que pemete gestionar era demana existenta e ar un servici en matèria d’abitatge. Aguesta accion ei ath laguens dera Llei d’Habiatatge de Catalunya, ena que se dispause que quinsevolh ciutadan que volgue accedir a un abitatge public, pogue inscriuer-se en un registre unic entà tota Catalunya.
D’aute biais, era actuau promocion Eth Solan 15, impolsada per Ajuntament, que supause era creacion de 15 abitatges damb un loguèr de 10 ans e opcion a compra, se trape en procés de negociacion entà definir es condicions d’accés, un viatje dejà siguen prèstes es òbres.

L’alcalde de Vielha e Mijaran, Pau Perdices, desmenteix el comunicat d’ UA-PSC sobre el pacte de defensa de l’autonomia

Vielha.- “Les afirmacions del grup a l’oposició a l’Ajuntament de Vielha e Mijaran, Unitat d’Aran-PSC, sobre la negativa de CDA a donar suport al pacte de defensa de l’autonomia són falses. El grup de CDA a l’Ajuntament de Vielha e Mijaran no s’ha pronunciat en cap moment.” Així de contundent s’ha mostrat l’alcalde de Vielha e Mijaran, Pau Perdices, a l’assabentar-se de les afirmacions que es recullen en el comunicat d'UA aparegut avui en alguns mitjans.Segons el comunicat, el grup municipal de CDA hauria rebutjat la declaració conjunta pactada amb els grups del Conselh Generau d’Aran per defensar l’autogovern aranés i la singularitat territorial. Segons Perdices, “ Vielha no rebutja ni ha rebutjat mai l’acord. Les afirmacions d'UA-PSC són incongruents havent estat el propi Ajuntament de Vielha e Mijaran el promotor de la declaració conjunta de la NO inclusió a la vegueria amb tots els alcaldes de la Val d’Aran independentment del seu color polític i que s’ha materialitzat aquest matí amb el vot a favor de CDA al ple del Conselh Generau d’Aran al donar suport al document signat per tots els grups del Conselh Generau”. Segons Perdices, Unitat d’Aran torna a intentar confondre a la ciutadania i pretén inculpar a l’Ajuntament sobre allò que no ha estat capaç de fer.

Er ajuntament de Vielha e Mijaran hèr un aumenatge a quate trabalhadors municipaus e a Frederic Vergés

Vielha.- Er Ajuntament de Vielha e Mijaran hec un aumenatge ath professor jubilat deth centre d’educacion primària de Vielha, Frederic Vergés, pera sua trajectòria professionau coma docent e pes sues aportacions ara cultura aranesa ath capdauant deth Centre de Normalizacion Lingüistica pendent ans.
Vergés recebec ua placa conmemoratiua dera man des bailes que des der an 1979 enquiara an estat ena alcaldia deth municipi coma Javier Tous Ademà (1979-1987); José Calbetó Giménez (1987-1999 e 2007-2009); Juan Riu Llonch (2003-2007) e er alcalde actuau Pau Perdices Pla.
Ath delà de a Vergés, tanben se hec un aumenatge a quate trabalhadors municipaus en actiu damb mès de 25 ans de dedicacion ath consistòri. Dera man des quate alcaldes se desliurèc ua placa a Rosa Mari Alcorta (42 ans traballadi), a Virtudes Nart (36 ans trabalhadi), a Jaime Solé (25 ans trabalhadi) e a Pilar Hervada (25 ans trabalhadi).

Joeni der Espaci Joen de Vielha, protagonistes deth programa de TV• “Tot un Mon”

Vielha.- Eth programa de Televisió de Catalunya, “Tot un Mon”, mostrèc en un reportatge eth trabalh der Espaci Joen de Vielha a trauèrs de dus des sòns usatgèrs, Nedso de Brasil e Toño de Les, es que a trauèrs dera musica hip-hòp compartissen mès qu’aficions.

Er Espaci Joen de Vielha siguec eth lòc trigat entà mostar un petit reflèxe dera vida d’agusti dus membres deth grop “Sin Hip Hop No Hay Crew”, format per joeni de desparièrs origens amassadi per aguesta expresion culturau e que hèn a servir er Espaci Joen coma plataforma de creacion e entà assajar.
Ath long de tota ua jornada, er equip de TV3 entrevistèc as joeni e mostrèc eth trabalh diari der Espaci Joen de Vielha. Era tecnica de joenessa, Maria Cinta Castillo, ei ath dauant d’aguest equipament singular entàs joeni, plaçat ena Avenguda Pas d’Arró 7 de Vielha. Er equipament juvenil ei destinat a toti es joeni deth territòri e aufrís desparièrs servicis d’informacion e assessorament as joeni. Er espaci ei equipat damb un fotbolin, taula de ping-pòng, e ordinadors damb conexion a internet entà auferir alternatiues de léser. Ath delà se programen periodicament talhèrs e actiuetats adreçades ad aguest collectiu. Segon Castillo, er objectiu der Espaci Joen ei dar ua responsa integrau as besonhs, inquietuds e demanes des joeni.

VEURE VIDEO

Toti es alcaldes dera Val d’Aran diden NON ara incursion d’ Aran ath laguens dera Vegueria der “Alt Pirineu i Aran”

Vielha.- Dempús de conéisher er auantprojècte de lei dera organizacion veguerial de Catalunya er Ajuntament de Vielha e Mijaran convoquèc ager, en mens de 24 ores, a toti es alcaldes dera Val d’Aran damb caractèr de urgéncia entà dar ua responsa unitària e contundenta ara prepausa d’incorporar a Aran ath laguens dera Vegueria der Alt Pirineu i Aran.

Es nau alcaldes dera Val d’Aran signèren un document en eth que refusen era incorporacion d’Aran ena Vegueria der Alt Pirineu i se reafirmèren ena voluntad de non inclodir Aran en cap Vegueria ne division territoriau de Catalunya que non sigue era madeisha, atau coma s’establís ena Lei 13/1990 deth Regim Especiau dera Val d’Aran.
Segontes er alcalde de Vielha e Mijaran, Pau Perdices, non se pòt trincar era referéncia istorica d’ans de reconeishement politic, identitari e culturau deth nòste terriòri. Ei sense dubte eth darrèr capítol de ua manèra de hèr e actuar deth govèrn actuau de Catalunya que des der inici, en an 2003, a mostrat ua manca de reconeishement autant a nivèu polític coma institucionau e que ara se manifèste ena naua division territoriau.
Er alcalde s’a mostrat crític pera pòga ambicion política deth Sindic d’Aran coma maxima fegura institucionau ena defensa des intèresi deth territòri e a sollicitat ua amassada urgenta damb eth maxim dirigent entà prepausar era redaccion conjunta deth document de rehús ara naua division territoriau.

Era decoracion de Nadau de Vielha e Mijaran serà mès sosteniba enguan

Vielha.- Er Ajuntament de Vielha e Mijaran a incorporat ampoles tipe LED en tot er enlumenat de nadau, çò que supausarà ua importanta reduccion enes emissions de CO2 ara atmosfèra. Er Ajuntament a amiat entà dauant pendent es darrèri ans un seguit de mesures entà hèr mès sostenible er enlumenat de Nadau.Segontes era Alcalde de Vielha e Mijaran, Pau Perdices, er enlumenat ei format per ampoles tipes LED en tot eth municipi inclodidi es pòbles des Entitats Municipaus. Era subsitucion des ampoles tradicionaus per aguestes naues s’a hèt progressiuament e permeten ua major intensitat de lum damb un consum mès redusit. Era naua decoracion de Nadau incorpòre fegures d’àngels enes fanaus e s’alugue damb eth madeish orari qu’er enlumenat public. Sense dubte, era fegura mès espectaculara ei era formada per quate cèrvis ara entrada de Vielha, que dant era benvenguda a toti es que mos visiten. Es lums de Nadau s’aluguèren ena prumèra setmana de deseme e se mantieràn enquià passades es hèstes

Vielha aurà ua amplia aufèrta d’actiuetats pendent es hèstes de Nadau

Vielha. Eth municipi de Vielha e Mijaran premanís eth Nadau damb un paquet de actiuètats gratuïtes per par de entitats e collectius entà animar mès es hèstes .

Arribada des Patges Reiaus.- Dia 21 de deseme entàs 15.00 ores. Es patges reiaus anaràn entath CEIP Garona entà qu’era mainadèra les poguen dar es sues cartes. Serà a compdar des 15.00 ores. Er acte ei organizat pera AMPA.

Concèrt de Nadau.- Dia 22 de deseme entàs 11.00 deth maitin en Cine de Vielha a cargue des alumnes der IES d’Aran en tot aufrir un repertòri de nadalets.

Session de Cine Infantil gratuïta.- Dia 22 de deseme entàs 17.30 ores en Cine de Vielha s’auferirà era pellicula “Vicky el Vikingo” e ara seguida i aurà còca e chicolate entà tota era mainadèra assistenta. Organizat peth Departament d’Accion Sociau e Ciutadania der Ajuntament de Vielha e Mijaran.

Concèrt de Nadau Benefic.- Dia 23 de deseme entàs 17.30 ores en Cine de Vielha, organizat pera Escòla Musicau Val d’Aran. Era recaptacion se destinarà a La Marató de TV3 d’enguan

Concèrt d’Òrgues de Ponent e deth Pirenèu.- Dia 28 de deseme entàs 20.15 ores ena Glèisa de Sant Miquèu de Vielha. Concèrt d’òrgue a cargue der organiste José Santos de la Iglesia e damb era collaboracion deth tenòr Francesc Jové. Er acte ei organizat per Ajuntament de Vielha e Mijaran e era entrada serà gratuïta

Fira d’Antiquitats, Brocantèrs e Colleccionisme de Vielha e Mijaran – Antic Vielha. Deth 28 de deseme ath 4 de gèr ena Sala Polivalenta de Vielha, damb orari d’11 deth maitin enquiàs 21.00 ores deth ser. Entrada 2 èuros a compmdar de 16 ans.

Entrèga des cartes as Patges Reiaus.- Eth dimenge dia 3 de gèr, es Patges Reiaus seràn enes cubèrts der Ajuntament entà que tota era mainadèra les pogue anar a portar era sua carta. Er orari serà de 19 a 20.30 ores.

Cavaucada de Reis.- Eth dimarts dia 5 de gèr, arribaràn es Reis d’Orient en Municipi de Vielha e Mijaran. Entàs 17.,00 ores anaràn tath pòble de Gausac, a on era EMD auferirà a toti es que vajatz a demorar as Reis ua chicolatada e Vin Caud.Entàs 18.15 ores gesserà era cavaucada des de Gausac entara Plaça dera Glèisa a on les demorarà er Alcalde e era Corporacion Municipau. Dempús des deth balcon der Ajuntament es Reis mos liejeràn eth sòn descurs.Mentres demoram era arribada des Reis, er Ajuntament auferirà enes cubèrt còca e chicolate caud entà toti es assistenti.A compdar des 19.15 ores es Reis d’Orient arribaràn en Cine de Vielha entà que tota era mainadèra que volgue, pogue anar a veder-les e parlar damb eri.

Vielha met en foncionament eth Club Bagaleu, un nau espaci infantil de jòcs

Vielha.- Vielha dispause des deth passat dia 5 de deseme deth Club Bagaleu, un espaci infantil plaçat ena prumèra planta deth Palai de Gèu e deth qu’en pòden èster sòcis toti es mainatges e mainades. Eth club ei pensat damb dobla finalitat: ua qu’era mainadèra pogue passar estones agradiues de jòc e diversion e era dusau qu’es pairs e familhes dispausen per prumèr viatge d’un lòc d’aguestes característiques.
Ei ua zòna abilitada damb un parc infantil, holables, ua pantalha damb projeccion de contienguts infantils, un karaòke, materiau entà liéger, diboishar e pintar e jòcs e joguets adaptadi as ans dera mainadèra que lo visiten. I a tanben un espaci de cafeteria dubèrt a totes es familhes e usargèrs dera pista de gèu, piscina e des desparièrs equipaments deth Palai de Gèu. Eth paviment d’aguest airau ei premanit entà qu’era maiandèra i pogue anar sense caucèr.
Eth Club Bagaleu a creat un abonament mesadèr, pensat entà afavorir-ne eth sòn usatge il.limitat es dies e ores que pogue èster mès de besonh as pairs o que volguen es mainatges.
Eth nau servici comencèc a foncionar eth passat dia 5 de deseme damb un prètz d’entrada individuau de 6 èuros damb temps il.limitat. Tanben s’auferissen descompdes familhars que van entr es 10€ se ei eth dusau hilh o 12€ se son tres o mès hilhs. Existís era possibilitat d’un abonament mesadèr de 30€ per nen. En eth cas de dus o mès germans eth prètz ei de 40 o 50€ respectiuament.
Er espaci infantil de Vielha ei dubèrt toti es dies dera setmana: damb orari de 17 a 20 ores de deluns a dijaus; de 17 a 21 ores es diuendres; e es dissabtes , dimenges e hestèrs de 12 a 14 ores e de 17 a 21 ores.
En club se i celèbren tanben hèstes d’aniversari e i a servici de “cangor” entàs pairs o mairs qu’agen de besonh de hèr gestions e non pòden anar acompanhadi pes sòns hilhs. Segontes eth dusau Tinent d’Alcalde e Còsso d’Espòrts, Cultura e Joenessa der Ajuntament de Vielha e Mijaran, Àlex Moga, damb aguest nau servici s’amplie era aufèrta de léser deth municipi destinat a petiti e a grani en tot ampliar es prestacions der equipament municipau entà que sigue mès versàtil. Er ajuntament trabalhe actuaument ena edicion de materiau de promocion deth nau servici e pròplèument se daurirà ua web pensada entàs petiti el grani, ath delà s’a abilitat un telefon d’informacion (902118964)

Escolans de primària deth CEIP Garona visiten er ajuntament

Vielha.- Diuendres passat, 11 de deseme, es alumnes de prumèr de primària deth CEIP Garona héren ua visita guidada ar ajuntament a on les recebéren er Alcalde de Vielha e Mijaran, Pau Perdices, e eth dusau Tinent d’Alcalde, Alex Moga. Entá començar es mainatges passèren entara Sala de Plens, a on ocupèren es cagires destinades as membres elèctes deth Consistòri e ath públic, ara seguida preguntèren sus eth foncionament der ajuntament e es aficions der alcalde. En acabar héren ua visita guidada per totes es dependéncies deth consistòri entà conéisher coma foncionen es desparièrs departaments der ajuntament. Entà acabar era visita passèren tath burèu der alalde a on un se les aufric coma rebrembe , un divertit craion.

Era Bibliotèca de Vielha celèbre eth ueitau aniversari damb naues actiuetats infantiles e juveniles

Vielha.- Es responsables dera bibliotèca de Vielha trabalhen ena celebracion deth ueitau aniversari damb un calendari d’actiuetats qu’auràn lòc pendent es mèsi de noveme e deseme. Era prumèra actiuetat s’amièc a tèrme eth 21 de noveme damb eth títol “Eth circ des piudes” a càrgue de Beatriz Martin. Era actiuetat, inclodida ath laguens deth programa “Nascuts per llegir”, introdusís as petits de 0 a 3 ans ena istòria d’un circ de piudes (era familha piudosa, es piudes dançarines, es piudes palhasses etc..). Era narratiua se hec de forma interdisciplinària utilizant materiaus coma plastilina, monaques, illustracions e esturments.
Deth 3 ath 20 de deseme, era bibliotèca acuelharà era exposicion “A pencar! Eth mon deth trabalh es libres infantils e juvenils” produsida per CLICJCAT (Consell Català del Llibre Infantil i Juvenil) a on se mostrarà coma se ve eth mon laborau e era descubèrta des professions a trauèrs des libres infantils e juvenils catalans. Era exposicion cònste de 9 banderòles e un centenat de libres sus desparières classificacions.
Entath pròplèu 19 de deseme entàs 18.00 ores, era bibliotèca acuelharà er espectacle “Musica Diboishada” a cargue de Lluís M. Bosch e Carolina Rius. Se tracte d’un talhèr de musica entara mainadèra de 3 a 8 ans concebut damb era intencion d’explicar qué ei, qui ei e qué è un compositor. Entà explicà’c, es autors utilizaràn musica, fantasia, imaginacion e diversion apropan era musica as mès petiti.
Eth madeish dia entàs 20.00 ores aura lòc era actuacion “Quan els músics canten l’amor” a cargue de Lluís M. Bosch e Carolina Rius. Damb eth compositor Lluís M. Bosch pasaram ua estona agradiua parlant sus era musica inspirada en amor. Entà qu’era experiéncia sigue mès seductora, era pianista Carolina Rius, l’acompanharà damb musica en dirècte.
Atau madeish e enquiath dia 31 de deseme, era Bibliotèca acuelharà era exposicion deth concors de fotografia organizat pera Oficina de Joenessa (ECA) damb era collaboracion der Ajuntament de Vielha e Mijaran.

Comerçants e estudiants analizen era afectacion dera futura Lei Comerciau de Catalunya

Era consultora empresariau e professora universitària, Mercè Clavel, expausèc ager deluns ath dauant d’un plan nombrós grop de comerciants e estudiants, era afectacion dera naua directiua europèa en ahèr de comèrç e era naua Lei deth Comèrç catalan, aguèsta darrèra encara per aprovar.
Era charrada auec lòc entàs 8.30 hores deth matin en otèl Acevi de Vielha en tot hèr a servir un format innovador de conferéncia-esdejoar impolsat per Ajuntament de Vielha e Mijaran. Lèu 40 persones participèren en acte qu’auec, coma objectiu principau, dar a conéisher es modificacions der entorn comerciau, frut dera naua lei, e eth papèr des comerçants entà adaptar-s’i.
Clavel apostèc per ua major integracion deth sector damb er hilat associatiu entà melhorar era gestion conjunta. Tanben defensèc era formacion e un modèl de ciutat compacta ena qu’era activitat comerciau a d’èster coesionada en determinades trames urbanes. Segontes Clavell, Vielha a de melhorar era sua capabilitat comercial e adaptar-se as naui besonhs des consumidors.

PROGRAMA “QUALIFICA’T”

D’aute biais, eth professor der IES d’Aran, Paco Robles, expausèc as empresaris assistents eth nau programa “QUALIFICA’T” qu’impolsen amassa Departament de Treball i Educació damb er objectiu de melhorar era qualificacion des persones que se trapen en situacion de caumatge o empreses que volguen melhorar en formacion . Er IES d’Aran ei un des 60 centres en Catalunya omologat en impartir aquest plan. Segontes Robles, er Institut d'Aran desvoluparà eth programa entàs familhes de cicles formatius d'espòrts, gestion administrativa e informatica.
Robles tanben manifestèc qu’eth programa ei pensat entà que persones e empreses tròben era orientacion, eth reconeishement e era formacion professional que melhor s’adapte as besonhs de cadun. Totes es persones que participen en programa poderàn auer ua certificacion parcial o total entara obtencion dera titulacion de formacion professional.

Er Ajuntament de Vielha e Mijaran organize un cors de codina coma actiuetat de coesion sociau

Vielha.- Un totau de 53 persones participèren eth passat dia 21 de noveme ena dusau edicion deth “Cors de Codina” organizat per airau de ciutadania e accion sociu der ajuntament de Vielha e Mijaran. Aguest cors mostrèc quauqui plats dera codina tipica dera poblacion nauvenguda en municipi d’Argentinam, Cuba e Equador. S’elaborèren desparièrs plats tipics d’aguesti païsi en ua actiuetat er objectiu dera quau siguec promocionar era diuersitat culturau mejançant era codina. Es assistenti podéren degustar es plats premanidi. Aguesta ei era dusau edicion deth cors de codina que forme part deth plan de coession sociau en muncipi, e era còsso de Ciutadania e Servicis Sociaus Rosa Mari Broto remerquèc er augment des participants en tot arregraïr era assisténcia de toti.