Trenta persones s’inscriuen en nau servici de registre d’abitatges en mens d’ua setmana

Vielha.- En mens d’ua setmana, lèu trenta persones dejà s’an inscrit en nau servici municipau de registre de sollicitants de viuendes de proteccion oficiau metut en foncionament eth passat dia 2 de hereuèr per Ajuntament de Vielha e Mijaran. Eth servici que s’aufrís de deluns a diuendres de 09,00 a 13,00 ores se trape plaçat enes burèus municipaus plaçadi en carrèr Sarriulèra nº 12. En sonque ua setmana, trenta usatgèrs dejà s’an registrat en aguest servici, qu’ei imprescindible entà poder optar a futures promocions de pisi protegidi, autant de loguèr coma de compra, en municipi. Eth registre amasse donades de toti es ciutadans particulars o familhes que vòlen accedir a ua viuenda protegida e ei gestionat pera Secretaria d’Habitatge. Méter en foncionament aguest registre en Vielha siguec aprovat en mes de deseme damb era signatura d’un convèni entre er Ajuntament e era Generalitat