Caminada en supòrt ara donacion de sang pes carrèrs de Vielha

Vielha.- Era Associacion de Donants de Sang dera Val d’Aran a organizat entath pròplèu dia 10 d’abriu ua “Caminada” pes carrèrs de Vielha entà informar e sensibilizar ara gent sus era donacion de sang. Era iniciatiua “CAMINA dissabte e DA SANG deluns", a coma objectiu promòir e difóner era informacion sus es besonhs dera donacion de sang. Eth recorrut dera Caminada damb gessuda e arribada ena Plaça dera Glèisa començarà a tàs 17 ores en tot passar pera Av. Pas d’Arró, Av. Garona, Passeg dera Libertat entà acabar en punt d’origen e en era i pòden participar toti, autant era mainadèra coma es grani. Era Associacion de Donants de Sang dera Val d’Aran se hig atau a ara iniciatiua de totes es associacions de donants de sang de Catalunya que de manèra volentària e non remunerada organizen un acte enes sòns municipis.
Eth deluns dia 12 d’abriu haurà lòc era jornada d’arremassada de sang, en orari de 11,30 a 21 ores en Palai d’Espòrt de Vielha, cau rebrembar qu’era donacion non supause cap risc entara salut, mès lèu ath contrari ja que dempús d’analizar-la eth Banc de Sang mos envie es resultats entà casa . Era edat entà poder donar ei des 18 as 65 ans.
Era organizacion d’aguesti actes compde damb eth supòrt der Ajuntament de Vielha e Mijaran.