Era Setmana dera Solidaritat de Vielha e Mijaran se destinarà ath pòble de Haití

Un totau de 36 entitats e associacions araneses collaboraràn ena “Setmana dera Solidaritat” d’enguan, ua iniciatiua solidària impolsada per Ajuntament de Vielha e MIjaran, qu’arribe dejà ara sua siesau edicion e que se celebrarà deth 12 ath 18 d’abriu en cap-lòc aranés. Mejançant era ONG Cruz Roja, Soroptimist Porto Prince e Farmamundi se destinaà era recaptacin a colaborar damb eth pòble haitian afectat peth terratrem de començaments deth mes de hereuèr. En totau an estat programades catorze actiuetats de caractèr esportiu, culturau e sociau.
Era organizacion a previst que tath dijaus 15 d’abriu entàs 22 ores se celèbre en cine de Vielha un festivau musicau damb era actuacion des grops: Talhèr de Musica, Grop de Dança deth Ventre, Escòla Musicau Val d’Aran, Juan Riu-Cristina Enseñat-Mercedes Perea, Mala Leetra Crew, Dança Pavarti, Lucia Mas e Nave 15, compdant damb era collaboracion d’Aran Teatre. Atau madeish eth dissabte 17 ena tarde se celebrarà eth festivau infantil damb era actuacion dera Còlha de Santa Maria de Mijaran, Es Fradins de VIelha e es Sautarets de Bossòst, atau coma era Corau Garona, Corau IES Aran EEE e es grops musicaus Grop Mala Letra Crew e eth grop de Gimnastica Ritmica Val d’Aran.

programa.pdf