Liurament des claus des Viuendes de Proteccion Oficiau entà joeni

Vielha.- Eth director deth Servei Territorial de Medi Ambient i Habitatge en Lleida, Lluis Claverol, e er Alcalde de Vielha e Mijaran, Pau Perdices, an liurat ena Sala d’Actes der Ajuntament es claus des sies pisi de proteccion oficiau de loguèr que i auie uedi.
Es pisi formen part dera promocion Vielha 20 e Eth Solan, un d’eri ei plaçat en carrèr Sarraèra de Gausac e es auti ena Av. Maladeta de Vielha. Es viuendes corresponen a promocions dejà liurades anteriorament qu’an anat quedant uedi, dempús de que se n’age podut recuperar era titolaritat mejançant es procesi administratius corresponenti. Eth loguèr entàs joeni a un prètz d’entre 160 e 240 èuros mesadèrs segontes es mesures deth pis.
D’aute biais, deth 29 de març enquiath 30 d’abriu se daurís eth periode de presentacion de sollicituts entà accedir as 15 naues viuendes de loguèr damb opcion a compra corresponenti ara promocion Eth Solan. Aguesta ei era prumèra operacion de loguèr damb opcion a compra que se hè en municipi de Vielha e Mijaran, e qu’ei dubèrta a toti es vesins que complisquen es requisits de besonh.
Es bases e es sollicituts entà accedir ad aguestes viuendes se poderàn demanar enes burèus der Ajuntament de Vielha e MIjaran plaçadi en Carrèr Sarriulèra nº 12, 1ª. planta, en orari de 9,30 a 13,00 ores, preguntant per Maria Cinta Castillo, o ben ena web der ajuntament www.vielha-mijaran.org