Er Ajuntament de Vielha e Mijaran plaçarà un ascensor ena bastissa consistoriau

Vielha.- An començat es trabalhs entà plaçar ua plataforma elevadora entàs minusvalids que permeterà er accés des dera planta baisha, enquiath prumèr e dusau pis dera bastissa der Ajuntament. Er edifici, se ben non ei catalogat, a un cèrt interès istoric-artistic e ena actualitat era plataforma existenta non complís totes es garanties de seguretat ja qu’ei fòrça antiga. Es òbres tath plaçament dera plataforma inclodissen era creacion d’ua caisha de barrament mejançant ua estructura d’acièr e lamina de veire de seguretat. Aguesti trabalhs an un pressupòst de 60.900 €. Er ajuntament tanben se planteje era eliminacion de barrères arquitectoniques en Palai de Gèu e eth Casau deth Jubilat, damb era installacion d’ascensors.