Er ESPC consistís en er estudi periodic des experiéncies de victimitzacion que s’an produsit en Catalunya, es sentiments d’inseguretat e era recuelhuda des opinions des ciutadans en  matèria de seguretat e policia.

A compdar deth pròplèu mes de gèr e enquià finau de març, s’amiaràn a tèrme apròp de 14.000 entrevistes telefoniques, ua part se haràn a ciutadans e ciutadanes deth municipi de Vielha e Mijaran.

Es persones entrevistades que volguen confirmar que se tracte d’ua enquèsta oficiau e qu’es donades personaus se mantieràn en era mès absoluta confidencialitat poderàn trucar ath telefon d’atencion ciutadana dera Generalitat de Catalunya, 012.

 Era fira d’antiquitats Antic Vielha, organizada pera empresa Fira Diseny e patrocinada per Ajuntament de Vielha e Mijaran, barrèc era sua XVIau. edicion superant es expectatiues des organizadors damb un totau de 3.000 visitants. (más…)

Ager deluns dia 3 de Gèr tas 19,00 ores uns 200 mainatges e mainades que s’apropèren tas Cubèrts der Ajuntament de Vielha e Mijaran poderen hèr liurament des sues cartes dirigides as  Majestats es Reis Mags Melchor Gaspar e Baltasar as Patges Reaus qu’arribèren tàs Cubèrts der Ajuntament pujadi ena Carròssa Reiau entà arremassar es cartes de toti es mainatges e mainades entà hèr-les-ac arribar as Majestats es Reis Mags d’Orient.