Era Associacion deth Comèrç de Vielha e Mijaran organizèc dissabte passat 11 de Hereuèr, eth Prumèr Concors de Pipòts de Nhèu en Vielha.
En tot profitar era grana quantitat de nhèu apilerada enes carrèrs de Vielha, se decidic organizar aguest petit concors damb un doble objectiu: dinamizar es carrèrs e places, atau coma animar ara mainadèra a divertir-se d’ua forma diferenta.
Era convocatòria siguec orientada ara mainadèra de mens de 12 ans e compdèc damb eth collaboracion deth collègi CEIP Garona. Eth quinsevolh cas, s’acceptèc era participacion de toti.
S’establiren tres ubicacions repartides per Vielha: Av. Pas d’Arrò ara nautada de Can Pere, Plaça pas d’Arrò ara nautada d’Albina Bosch e Passeg dera Libertat ara nautada de Cava Beso. Aguesti locaus se n’encuedèren d’enregistrar es grops participants e d’aufrir-les ua carròta e ues gormandises coma detalh de participacion.
Es pipòts s’elaborèren de 17 a 18h e entàs 19h se hèc eth repartiment de prèmis enes cubèrts der Ajuntament.
Eth totau de grops quie i participèren siguec de 9 e es guanhadors sigueren:
1º Prèmi: Pipòt “Ripi”, deth Passeg dera Libertat
2º Prèmi: Pipòt “Eth guitarriste” dera Plaça Pas d’Arrò
3º Prèmi: Pipòt “Yoss”, d’Av. Pas d’Arrò
