Deth 29 de junh enquiath 8 de junhsèga poderam gaudir der hestivau Dig@ran.
Vos aconselham que non vos perdetz es installacions ne es espectacles pr’amor que quinsevolh explicacion  que pogam dar-vos non s’ajustarà a çò que vosati senteratz.

Era entrada entà  toti es espectacles e installacions ei gratuïta.

Installacions, deth 29 de junh enquiath 8 de junhsèga

Eth pònt sonor: Installat sus er arriu Nere en Cap dera Vila de Vielha,en tot trauessà’c sonen es testimoniatges des abitants, musiques e sons.

Aran Bell’s- ena Glèisa de Vilac: Composicion musicau a compdar de sons de campanes, naturaus, veus, eca. Cada ora e cada repic intermediari.

Morfeo de patchwork- ena sala d’exposicions deth Carrèr Arnals, des 12:00 enquiàs 20:00 ores: Installacion interactiua e audiovisuau sus eth sòn de Morfeo.

Akousmaflore- enes cubèrts der Ajuntament de Vielha- Jardin compausat de plantes musicaus que desvelhen a trauèrs dera nòsta aura electrostàtica ath contacte uman.

Mapping Exposicion Hèt a man.- Dies 29 e 30 de junh
Espectacle visuau
Projeccion ena façada deth Conselh Generatz d’Aran d’imatges diboishades per mainatges, animades e sincronizades damb ua banda sonora especiau entara ocasion.

Vantour- Accion de DJ Janoz e VJ David Bruner
Dissabte 30 de junh, as 21:00 ores
Exterior dera sala Audiuvisuau de Vielha
Entà barar, escotar, guardar, sénter en aumenatge a totes es espècies deth mon

Performance- Dies 7 e 8 de junhsèga, de 15:00 a 18:00 ores
Ena Glèisa de Vilac: Òbra collectiva de relaxacion damb un son nítid e poderós qu’entornege as assistents, en tot convidar a ua experiéncia àudio massatgística d’ues 20 menutes de durada.

Espectacles

Floracion e sortilegis: 29 de junh as 21:00 ores ena Sala Polivalenta de Vielha
Espectacle de dança multimedia damb pèces coreografiques.
Teatre d’ombres virtuaus manipulades eth temps reau.

Wave’S(Ondes): 7 de junhsèga tàs 21:00 ores ena Sala Era Audiovisuau de Vielha
Realizacion coreografica en blanc e nere que permet veir eth pas d’un estat dera matèria a un aute, mejançant musica, vidèus e lum.

 DJ Next Baxter: 7 de junhsèga a compdar des 22:00 ores en Vilac
Explòre diferenti tipes d’expressions artistiques; creacion sonora e radiofonica, documentau, composicion pop /experimentau.

Era Mòstra de Cinèma Occitan Llanterna Digitau arribe aguest dimèrcles en Vielha. Era Mòstra ei ua iniciatiua deth Departament de Cultura damb era collaboracion d’institucions e enterpreses catalanes e occitanes qu’a per objectiu difóner era realitat sociau e culturau occitana a trauès de creacions audiovisuaus. Era Mòstra contribuís a crear un hilat d’exibicion publica d’aguestes creacions, en Catalonha e en Occitània.

Era programacion d’enguan includís un totau de 13 títols, entre longmetrages, curtmetrages, animacion, documentaus e ficcion. Tanhent ara lengua, era Mòstra vò èster ua veirina des varietats der occitan. Es òbres que s’exibissen en Catalonha seràn subtitolades ath catalan.

Era programacion dera Mòstra 2012 s’encetèc en Lhèida, ara arribe entà Vielha e contunharà eth sòn recorregut pera Seu d’Urgell, Rodés, Ostana, Paesana, Cassà de la Seva, Tolosa, Montalbà e Besièrs e Barcelona. Era Mòstra acabarà eth sòn recorr ut es dies 8 e 13 de noveme ena Filmotèca de Catalonha.

Es projeccions se haràn en Era Audiovisuau (Av. Baile Calbetó Barra, Es títols e oraris de projeccion son es següents:

Dimèrcles 27 de junh
21.30 ores
Lo luènh deman
Lo camin de l’aur
Las Sasons

 Dijaus, 28 de junh
21.30 ores
Paur sus Pares
Mirèio
Eth dent (L’Occitania eth banhadèra)
Marcel laguens era sua vargier
Lo sen (L’Occitania eth banhadèra)
L’escòla ideau
Istuèras de Cana
Le Chô Chi Shon ueu l’art martial occitan
Au Molin de Corèu

 Mai 2011- Junh 2012

Actuauments ara bibliotèca infantila de Vielha foncionen 3 clubs de lectura.

Infantil (de 6 a 7 ans)
Juvenil (de 8 a 10 ans)
Preadolescent (de 11 a 14 ans)

Coordinadi, dessenhadi e realizadi pera dinamizadora dera seccion infantila.

Pendent eth cors 2011-2012 auem compdat damb era participacion de 16 mainatges e mainades e auem gaudit un totau de 30 libres liejudi

En ua era audiovisuau e de ritme vertiginós, coma aguesta en que viuem, ei de besonh cercar un lòc entath libre e era premsa infantila e juvenila; cau determinar quin papèr aucupen ena vida des mainatges e mainades.

Incentivar e motivar a liéger des dera infància, en casa, ena escòla, ena bibliotèca, en solitud, en familha o damb amics, ei fonamentau entà generar ua basa lectora qu’en un futur pogue arribar a convertir-se en ua abitud e ua activitat quotidiana entar òci e eth temps liure.

Se ditz qu’eth plaser pera lectura s’a perdut. Des dera bibliotèca opinam que sonque s’a esgariat, se pòt recuperar.

Per tot açò, eth nòste principau objectiu ei desvelhar e arraïtzar enes mainatges e mainades eth gost entà liéger des dera lectura en libertat, sense caractèr obligatòri.

Non se pretenen realizar classes didactiques de formacion ena lectura, se tracte que descorbisquen per si madeishi eth valor e es possibilitats qu’aufrís era lectura.

Per açò, dempús de liéger prèviaments eth libre en casa, mos amassam entà comentar bracament era istòria liejuda, mès sense aprigondir massa enes diferenti elements que constituïssen era òbra literària. Principauments realizam activitats de divertiment ath torn deth libre qu’interioritzen era lectura e favorissen era comprenença deth tèxte, en tot crear atau un ligam ludic-afectiu entre lector/a e eth libre.

Collateraument s’artenhen d’auti objectius segondaris coma pòden èster: er enriquiment deth vocabulari, melhorar era prononciacion, major facilitat entara expression orau, desvolopar era capacitat de comentari e interpretacion de tèxtes, apréner a resumir es relats e organizar-les mejançant fiches-resum, transmission de valors positius, desvolopament der esperit critic…

Era idèa ei promòir eth libre, era premsa e era lectura coma part essenciau dera vida, que mainatges e mainades s’identifiquen damb aguesta practica e non se limiten a liéger es libres seleccionadi peth club, que senten eth besonh de liéger e escuélher es sues pròpries lectures.

Pendent es mesi de Junhsèga e Agost se harà mereishut descans, entà reprené’c damb mès fòrça e illusion eth Seteme que ven.

Bibliotèca Generau de Vielha

Era dimenjada deth 16 e 17 de junh era Associacion Esportiua Fotbòl d’Aran (AEFA) organizèc es 30 ores de Fotbòl Sala, damb era collaboracion der Ajuntament de Vielha e Mijaran. Aguest format de torneg barrege resisténcia e emocion.

Pendent es prumères ores deth torneg se realizèc ua fasa de ligueta per grops, aguesta classificacion per grops mercarie es eliminatòries. Finalizada era fasa de grops se joguèren es eliminatòries a 20 menutes per part e en cas d’empat, 5 menutes de proròga e s’encara seguie er empat, un torn de penaus.

Díder qu’enguan, eth torneg a compdat damb era participacion de nombrosi equips aranesi, mès tanben d’equips vengudi de Solsona, Linyola, Sitges, Lleida e Barcelona.

Enguan es prèmis èren 1200€ peth 1r. Classificat, 600€ peth 2au e Trofèus entath Melhor Jogador, Melhor Portèr e Trofèu Tonet Cavero ara Esportivitat.

Dempús deth vrespalh aufrit pera organizacion a toti es assistents, comencèc era gran finau entre eth Jorelec de Vielha e eth Trepovi de Solsona, campion deth 2011.

Díder qu’eth Jorelec eliminèc en semifinaus ath Pim Palm Linyola, e eth Trepovi de Solsona eliminèc ath Vivers Llopis de Sitges.
Era finau comencèc en tot auançar-se eth Trepovi, mès Albert Algado siguec clau entà auançar ath Jorelec.

Se podec veir ua gran finau, entre un Jorelec fòrça reforçat entad aguesta competicion e er actuau campion, eth Trepovi de Solsona.

Es jogadors de Solsona aueren un comportament exemplar pendent tot eth torneg e guanhèren per majoria de vòts eth prèmi ar esportivitat.

Eth liurament de prèmis siguec presidit per Alex Moga, Alcalde de Vielha e Mijaran, Agustí Calbetó, Còsso d’Espòrts der Ajuntament de Vielha e Mijaran e es membres der AEFA

Equip Campion: Jorelec (Vielha)
Dusau Classificat: Trepovi (Solsona)
Melhor Portèr: Carlos Cierco(Jorelec)
Melhor Jogador: Albert Algado (Jorelec)
Màxim Golejador: David Vendrell, 14 punts (Pim Palm Linyola)
Prèmi ara Esportivitat: Trepovi Solsona

Era organizacion vò arregraïr er esfòrç de toti es equips pera sua participacion e era collaboracion imprescindible der Ajuntament de Vielha e Mijaran