Era fira d’antiquitats Antic Vielha, organizada pera empresa Fira Diseny e patrocinada per Ajuntament de Vielha e Mijaran, barrèc era sua XVIau. edicion superant es expectatiues des organizadors damb un totau de 3.000 visitants.
Deth 28 de deseme ath 4 de gèr, era Sala Polivalenta de Vielha acuelhec nauament aguest important eveniment deth tot consolidat. Segontes es organizadors d’Antic Vielha era avaloracion dera fira a estat deth tot positiua ar auer superat es resultats artenhudi er an anterior, e mès auent en compde qu’ei un an dificil economicament parlant.
Enguan, era edicion a compdat damb 16 expositors aranesi nacionaus e internacionaus qu’an mostrat ath visitant ath tor de 9.000 pèces d’antiquaris e brocantèrs. Era bona acuelhuda hè a pensar dejà ena organizacion dera XVII au. Edicion.