Era Entitat Municipau Descentralizada de Gausac a amiat entà dauant desparières òbres de melhora en pòble de Gausac, entre eres era remodelacion complèta autant der interior coma der exterior dera Sala deth Pòble, damb era installacion de hièstres d’alumini e de nau mobiliari. Ath delà tanben s’a adequat era Sala D’actes en tot pintar-la, plaçar-i parquet e nau mobiliari.
Aguestes dues òbres a auut un pressupòst de 60.433,49 euros subvencionadi per Ajuntament de Vielha e Mijaran, e s’inaugurèren eth passat dia 15 d’agost damb motiu dera celebracion dera Hèsta Major deth pòble.
Per un aute costat tanben s’an hèt òbres de melhora ena part nauta deth pòble, damb eth bastiment d’un muro de contencion que damb eth godronatge complèt, era illuminacion, plaçament de bancs e de zòna ajardinada a permés era creaciond’ua plaça damb guardadèr, recuperant atau un lòc pòc coneishut deth pòble. Eth pressupòst d’aguesta inversion a estat de 78.790 euros, pagadi damb ua subvencion deth Departament de Governació dera Generalitat, e pera madeisha EMD de Gausac.
Segontes declaracions deth Sr. Jesús Ordoñez , President dera EMD de Gausac , aguestes óbres realizades , èren de besonh entara melhora dera Pedania e eth benestar des sòns vesins.
