Eth Baile

Benvenguda der Alcalde

Planvoludi vesins e vesies,

Sigatz benvengudi tara plana web der Ajuntament de Vielja Mijaran. En aguest espaci poderatz trapar informacion d’interés sus eth nòste municipi. Ua informacion qu’anarà creishent ath long des pròplèu setmanes, entà adaptar-mos as besonhs e demanes dera nòsta societat e de toti vosati.

Vielha Mijaran ei un municipi viu e dinamic qu’a peth deuant un futur plen d’oportunitats mès tanben de rèptes fòrça importants. En aguest sens, des der Ajuntament de Vielha Mijaran volem trabalhar entà que, n’aguesti moments complicadi autant a nivèu economic coma sociau, cap des nòsti vesins demore endarrèr. Aguest ei, e serà, eth nòste principau objectiu pendent aguesta legislatura: eth benèster e era qualitat de vida des persones.

Dider-vos tanben qu’è era grana sòrt e satisfaccion de compdar damb un gran equip uman, comprometut e damb ua grana capacitat de trabalh, e amassa damb eri trabalharam entà qu’er Ajuntament sigue dubèrt a tota era ciutadania.

Pera mia part, eth mèn compromís ei eth d’èster un alcalde propèr e comprometut, un alcalde de toti e tà toti. Fòrça gràcies

Juan Antonio Serrano Iglesias