![](http://www.vielha-mijaran.org/public/vielha/ftp/menu/title_201120121023186.png)
Gausac
![](http://www.vielha-mijaran.org/public/vielha/templates/images/flecha_guia.png)
INFORMACION
Plaçat entre Casau e Vielha, Gausac s’a convertit en ua zòna residenciau apreciada pes sues polides vistes tath Pòrt de Vielha e era sua tranquillitat. Eth sòn casc ancian consèrve carrèrs entrelaçadi còsta ensús damb polides cases de pèira e prats lateraus a on encara peishen tranquillament es shivaus. Era sua glèisa parroquiau, San Martin de Tours, ei un bèl exemple d’unitat estilistica pòc comuna ena Val e de tor gotica fortificada damb ua grana portada d’arcs apuntadi que daurís es pòrtes deth sòn interior, a on se tròben quauques interessantes pèces romaniques. Des de Gausac arranque eth Camin dera Baricauba que se cale en aguest frondós bòsc e dempús se dividís en diuèrsi itineraris de grana beutat.
![](http://www.vielha-mijaran.org/public/vielha/ftp/menu/banner3_201210081751004.jpg)