Ja ei dubèrt eth termini en Vielha e Mijaran entà sollicitar eth forfait de tempsada d’esquí 2024-25
Enquiath pròplèu 21 d’octobre se tramitaràn on-line es diuèrsi forfaits entà poder esquiar
Enquiath pròplèu 21 d’octobre, ja se pòt demanar era sollicitud entà aquerir quinsevolh des forfaits dera tempsada d’esquí 2024-25 en Baqueira-Beret. Toti es vesins de Vielha e Mijaran qu’agen era sua residéncia en municipi damb ua antiguitat minima de 5 ans, pòden solicita’c de manèra on-line.
Es prètzi des forfaits entad aguesta tempsada 2024-25 son es següenti: Adults residents majors de 25 ans (800€), Adults entre setmana (550€), Universitaris/Joeni entre 18 e 25 ans includidi (550€), Infantil Residents entre 6 e 11 ans includidi (150€), Juvenil Residents de 12 a 17 ans includidi (150€), Joeni aranesi entre setmana de 18 a 22 ans includidi (150€), Majors de 70 ans (69€) e menors de 6 ans (46€).
Era documentacion qu’ei de besonh: Impresi degudaments ramplidi e signadi penjadi ena web der Ajuntament de Vielha e Mijaran, 1 fotografia actuau, 1 fotocòpia deth DNI e eth justificant de pagament der impòrt deth forfait. Vida laborau a on an de figurar es 5 darrèri ans e certificat d’empadronament istoric. Ath delà, entath forfait universitari, ei de besonh era Matricula Universitària deth cors 2024-25.
Sollicitud adults:
https://drive.google.com/file/d/1MUr-zmQ3CIwVepODpV7jD4nVvZxfby-p/view?usp=sharing
Sollicitud mendres:
https://drive.google.com/file/d/1L4Mq7Ev0YXOblrhQzqGN0yDdURraQSVA/view?usp=sharing
17/09/2024
