Notícies Veir istoric
Eth plen der Ajuntament de Vielha e Mijaran apròve era adjudicacion deth contracte dera reforma e adequacion dera installacion de baisha tension deth hilat d’enlumenat public deth municipi, e des quadres electrics
Atau madeish, eth plen tanben a aprovat, iniciauments, era ordenança reguladora des procediments administratius ena edificacion e usatge deth solèr e sussolèr der Ajuntament de Vielha e Mijaran
Eth plen der Ajuntament de Vielha e Mijaran, amassat en session extraordinària aguest maitin, ven d’aprovar era adjudicacion deth contracte que permet era reforma e adequacion dera installacion de baisha tension en hilat der enlumenat public de Vielha e Mijaran, en tot includir-ne era telegestion enes quadres electrics. Aguest contracte s’a adjudicat per un prètz finau d’1.070.347,19€.
Per un aute costat, eth plen tanben a procedit a aprobar, iniciauments, era ordenança reguladora des procediments administratius ena edificacion e usatge deth solèr e sussolèr der Ajuntament de Vielha e Mijaran. En aguest sens, s’a ordenat era normatiua vigente des des ans 80 enquia aué, en tot poder elaborar un tèxte unic que permeterà saber quini son es tramits administratius que cau seguir en cas d’auer d’aprovar futurs projèctes. D’aguesta manèra, se facilite e se simplifiquen es procediments, en tot ajudar as ciutadans enes passi qu’an de besonh seguir damb era administracion.
Ath delà, eth plen a aprovat era suspension dera tramitacion e licéncies en vertut dera tramitacion dera modificacion des Normes Subsidiàries e Complementàries de Planejament dera Val d’Aran, relativa as edificacions e emplecs en solèr non urbanizable, pr’amor qu’eth consistòri ei qui n’a era competéncia, dempús qu’eth Conselh Generau d’Aran n’age aprovat era regulacion de manèra iniciau. En aguest sens, calerà demorar ara aprobacion definitiua per part dera Comission d’Urbanisme dera Val d’Aran, e dempús serà eth pròpri Ajuntament qui velharà peth compliment d’aguesta norma.
D’aute biais, eth plen tanben a aprovat eth Plan Locau de Joenessa 2025-27, que permeterà seguir damb era dinamizacion deth Centre de Joenessa “Antara” de Vielha.
Fin finau, tanben s’a aprovat era prepausa de Hèstes Locaus deth municipi entar an 2026, qu’establís es dies 8 de seteme e 8 d’octobre.
Lieger mès
20/06/2025
Vielha e Mijaran encète eth calendari d’eveniments esportius d’ostiu aguest pròplèu 14 de junh, damb eth que se demore competicions de naut nivèu internacionau pendent es mesi de junh e seteme
Lieger mès
09/06/2025
Eth plen der Ajuntament de Vielha e Mijaran apròve era suspension temporau des concesions de licéncies d’abitatges d’us toristic (AUT)
Lieger mès
