Notícies Veir istoric
Eth plen der Ajuntament de Vielha e Mijaran apròve eth Plan Estrategic de Subvencions Municipaus de 2026 e 2027
Damb aguest plan estrategic se fomente era participacion dera societat civiu en desparièrs airaus, de manèra que s’apuaràn projèctes e accions d’interés generaus desvolopats peth teishut associatiu o particulars com a element dinamizador det
Eth plen der Ajuntament de Vielha e Mijaran ven d’aprovar aguest dimèrcles per unanimitat, en session ordinària, eth Plan Estrategic de Subvencions Municipaus vigent entàs exercicis de 2026 e 2027.
Aguest Plan reconeish era importància dera activitat que genère eth teishut associatiu de Vielha e Mijaran coma element dinamizador deth municipi e com a motor dera sua vitalitat. Demoren includides laguens d’aguest Plan autant es subvencions damb publica concorréncia (enes airaus de drets sociaus, cultura e espòrts), coma es nominatiues e dirèctes a trauès de convènis (drèts sociaus, salut e benèster, ensenhament, cultura, joenessa, gent grana e espòrts).
Destaquen es 38.775€ que d’ençà deth consistòri se destine entà ajudes e collaboracions de projèctes desvolopadi en airau d’ensenhament enes diuèrsi centres escolars, es 29.000€ que se destinen entar airau d’espòrts entara promocion e foment der espòrt per part des associacions e entitats esportiues, o es 24.800€ entath foment d’activitats e manteniment deth Casau deth Jubilat “Sant Miquèu” de Vielha.
En totau se destinen 126.775€ entà subvencions nominatiues e dirèctes a trauès de convènis e 12.000€ entà subvencions damb publica concorréncia entà 2026 e 2027.
Segontes eth baile de Vielha e Mijaran, Juan Antonio Serrano, “aguest Plan Estrategic de Subvencions permet dinamizar ath municipi, en tot potenciar era participacion deth teishut associatiu pendent es exercicis 2026 e 2027”. E ahig que “Vielha e Mijaran destaque per auer fòrça entitats e gent que pren part des activitats en desparièrs airaus dera vida vidanta, e des der Ajuntament volem qu’atau seguisque e que poguen acréisher e assolidar-les”.
D’aute biais, eth plen tanben a aprovat era modificacion puntuau deth Plan Especiau numero 12 d’equipaments en solèr non urbanizable de Vielha e Mijaran, corresponenta ara planta de gas propan plaçada en Beussa, e tanben a aprovat era creacion dera Comission d’Estudi entara redaccion der auantprojècte deth Reglament d’emplec d’equipaments socioculturaus der Ajuntament de Vielha e Mijaran.
Lieger mès
04/02/2026
Er Ajuntament de Vielha e Mijaran daurís un procès de participacion publica entà elaborar eth reglament d’usatge des equipaments socioculturaus
Lieger mès
26/01/2026
Reforma des installacions d’enlumenat public exterior deth municipi de Vielha e Mijaran e substitucion per tecnologia led en tot includir telegestion
Era obra consistís era
Lieger mès
18/09/2025
Eth plen der Ajuntament de Vielha e Mijaran apròve, iniciauments, eth pressupòst municipau de 2026 avalorat en 8.911.438,54€
Lieger mès
