Notícies Veir istoric
Vielha, finalista dera 9au edicion deth prèmi “Capital de EscapadaRural”
Eth cap-lòc dera Val d’Aran dispute damb d’auti 9 municipis d’Espanha per aguest liurament autrejat a trauès dera participacion ciutadana ena plana web www.escapadarural.com
Era poblacion de Vielha a estat escuelhuda coma ua des 10 finalistes deth prèmi “Capital de EscapadaRural 2025”.
Aguest guerdon cèrque reconéisher e balhar visibilitat as destinacions espanhòles que milhor representen era esséncia deth torisme rurau.
Era plataforma Escapada Rural a dat a conéisher as finalistes que s’ahigen a Vielha, que son: Agreda (Sòria), Friol (Lugo), Jerez de los Caballeros (Badajoz), Karrantza Harana/Valle de Carranza (Bizkaia), Navahermosa (Toledo), Tibi (Alacant), Trasmoz (Saragossa), Valtierra (Navarra) e Zuheros (Cordoba).
Era participacion ei a trauès dera plana web www.escapadarural.com, qu’ei dubèrta enquiath 27 d’octobre. Eth pròplèu 29 d’octobre se comunicarà qui ei eth pòble guanhador. Atau madeish, entre es participaires, i aurà era tòia de 3 escapades avalorades en 200 èuros, que se daràn a conéisher eth madeish dia 29.
“Èm fòrça contènti de que Vielha hèsque part d’aguest grop de destinacions finalistes d’aguest guerdon que mos reconeish coma destinacion que trabalhe e suenhe eth torisme rurau, e encoratgi a toti a qué exercisquen eth sòn vòt entà poder auer ua distincion plan subergessenta coma era de “Capital de EscapadaRural” que ja an d’autes poblacions espanhòles”, comente eth baile de Vielha e Mijaran, Juan Antonio Serrano.
Lieger mès
16/09/2025
Eth plen der Ajuntament de Vielha e Mijaran apròve ua mocion de solidaritat e supòrt damb era poblacion de Gaza pes bombardaments continus que patís per part d’Israel
Lieger mès
13/08/2025
Eth Centre de Joenessa “Antara” barre era sason 2024-25 damb es milhores donades istoriques d’usatgèrs, en tot assolidar-se coma espaci de léser de referéncia entàs joeni de Vielha e Mijaran
Lieger mès
01/07/2025
A compdar d’aguest deluns 23 de junh demore dubèrta era piscina exteriora deth Palai de Gèu en ostiu, enquiath 31 d’agost
Lieger mès
