Era performance “Un petit gest, grans canvis” a estat creada pera companhia de teatre Frec a Frec, Farmaceutics Mundi e Medicusmundi Catalonha e pretenhèr arribar, de manèra dirècta e entenedora, era tematica deth dret ara salut en Africa.

Eth public assistent as accions participe d’un talhèr teatrau damb dinamica de grop, veuescenes que reflectissen moments dera sua pròpria vida e que contrasten damb es scènes que se viuen dia a dia en un país african.

Açò permet ath public analisar e pensar sus eri/es madeishi/es d’ua manèra activa, prohonda e amena.

Damb motiu dera Jornada de Sant Jordi ath delà des tradicionaus parades de ròses e libres, auem pogut gaudir enes cubèrts der Ajuntament de Vielha d’un mercat qu’a compdat damb era participacion d’ua quinzea d’artesans d’Aran.

Aguesta iniciatiua der Ajuntament de Vielha e Mijaran a agut ua grana acuelhuda de public e preten assolidar-se coma ua activitat mès laguens des actes d’aguesta jornada.

 Aguest tipe d’accions son ua veirina entà apropar as nòsti artistes e artesans ath public e segontes declaracions deth Prumèr Tinent d’Alcalde der Ajuntament de Vielha e Mijaran, Sr. Joaquin Puente Feixa, er Equip de Govèrn vò potenciar era participacion des madeishi en d’ autes Hèires e mercats que se realizen en nòste Municipi.

Eth pròplèu dijaus 26 d’abriu entàs 18:30 aurà lòc ena Audiovisuau de Vielha era presentacion deth libre”El nen i la mort” a cargue dera  Sra. Montse Esquerda, ua des sues autores.