Escunhau e Casarilh
INFORMACION
ESCUNHAU
Aguest pòble d’excellenti restaurants a un interessant casc urban damb carrèrs entrelaçadi còsta ensús a on destaquen diuèrses cases de pèira, deth mès pur estil aranés, quauques des quaus s’an profitat entath torisme rurau.Entre aguestes cases se tròbe era mès anciana dera Val d’Aran, Çò de Perejoan, bastida er an 1393 e declarada actuauments Ben d’Interès Culturau. Era sua glèisa parroquiau ei dedicada a Sant Pèir, e en era destaquen era sua portada e Crist Crucificat deth lumedan, que sauve quauques similituds damb eth de Sant Miquèu de Vielha e eth de Sant Martí de Tours de Gausac.
CASARILH
Aguest petit pòble près deth Garona e de camin entà Baquèira, a un simple casc urban a on podem observar quauques cases deth sègle XVII damb polides hièstres reneishentistes. Ua des rotes de senderisme mès atractiues e populares dera Val, laguens es camins transumants, crotze aguest tranquil pòble, eth crist romanic deth quau, recentaments restaurat, se consèrve en Musèu Etnografic de Vielha.
