Notícies Veir istoric
Era Escòla Mairau “Era Cunhèra” de Vielha a ua alumna en practiques der Institut Obert de Catalunya
Aguesta alumna, que se forme coma tecnica d’educacion infantila, realize prètzhèts d’acompanhament e generacion de prepauses d’activitats a desvolopar damb era mainadèra de P0 a P2
Pendent er actuau cors escolar 2022-23, era Escòla Mairau “Era Cunhèra” compde damb ua alumna en qualitat de practiques, qu’estúdie en Institut Obert de Catalunya, a on se forme coma tecnica d’educacion infantila, en un acòrd de collaboracion damb er Ajuntament de Vielha e Mijaran, en tot realizar practiques formatiues non laboraus.
Es prètzhets que desvolòpe aguesta alumna ei era d’acompanhament e generacion d’activitats entara mainadèra des corsi que s’amien a tèrme en centre escolar (de P0 a P2).
Era durada d’aguestes practiques ei d’un totau de 280 ores, que finalizaràn eth pròplèu mes de junh.
“Des der Ajuntament de Vielha e Mijaran hè ans que collaboram damb diuèrsi centres escolars entà acuélher alumnes en practiques entà que poguen auer un prumèr contacte damb eth mon laborau”, comente eth dusau tinent d’alcalde e còsso d’educacion de Vielha e Mijaran, Alberto López. E ahig que “damb aguestes practiques apropam as joeni era administracion publica e es desparièrs equipaments municipaus qu’auem, en tot aufrir-les es possibilitats laboraus des que dispausam”.
14/04/2023