Notícies Veir istoric
Era Union Europèa concedís ua subvencion de 327.428,81€ ar Ajuntament de Vielha e Mijaran entà installar plaques solares en Palai de Gèu
Damb aguesta ajuda des hons europèus ’Next Generation’ se possibilitarà er autoconsum e er amendriment dera despena de lum ena installacion municipau, atau coma un menor impacte mediambientau
Era Union Europèa, a trauès des hons ’Next Generation’ a autrejat ua subvencion ar Ajuntament de Vielha e Mijaran per valor de 327.428,81€ entara installacion de plaques solares en Palai de Gèu.
Aguesta ajuda europèa permeterà qu’aguesta installacion esportiua municipau pogue amiar a tèrme er autoconsum, en tot facilitar er amendriment dera despena de lum que se genère abituaument, atau coma un menor impacte mediambientau a trauès deth consum d’energia verda. Ath delà, se garantise un minim manteniment e ua longa durabilitat.
D’aguesta manèra, eth Palai de Gèu milhorarà era sua gestion, en tot refortilhar era sua condicion coma installacion esportiua de referéncia en Vielha e Mijaran e en conjunt dera Val d’Aran.
Aguesta actuacion completarà era sua milhora, dempús des trabalhs que ja se realizèren recentament ena estructura, que obliguèren ath sòn barrament temporau pendent un an e miei.