Notícies Veir istoric
Era Marcha Nordica seguís era sua activitat en 2023 en Vielha e Mijaran entà fomentar es abituds saludables e era melhora dera qualitat de vida des vesins e vesies deth municipi
Enguan ei eth 8au an qu’eth consistòri aufrís gratuïtament aguesta activitat, en tot assolidar 3 grups de gessudes pendent 4 dies ara setmana, damb desparièrs nivèus de dificultat
Era practica esportiua dera Marcha Nordica en Vielha e Mijaran, qu’enguan inície eth sòn 8au an en foncionament, s’assolide en municipi. Era
Enguan, es diuèrsi grups de gessudes (Healthy, Social e Sportive) mantieràn es grups ja establidi pendent es darrèri ans, en tot aufrir gessudes pendent 4 dies ara setmana, damb desparièrs nivèus de dificultat en foncion dera condicion fisica des participaires.
Eth grup Healthy (damb intensitat baisha), qu’ei eth mès popular, mantierà es gessudes abituaus es dimars e dijaus des 18:00 as 20:15, en tot realizar es gessudes mès suaus. Eth sòn inici ei previst entath pròplèu 2 de mai.
Eth grup Social, manten era sua activitat es dissabtes de 09:30 a 13:30, en tot organizar gessudes d’ua intensitat intermieja. Aguest grup començarà eth 6 de mai.
Fin finau, eth grup Sportive cambie de dia, se manten es dimenges des 09:00 as 12:00. Eth perfil der usatgèr ei mès joen e requerís ua forma fisica fòrça mès importanta. Era prumèra gessuda ei prevista entath pròplèu 7 de mai.
Era activitat ei gratuïta e cau inscriuer-se en Palai de Gèu de Vielha.
“Aguest ei eth 8au an de foncionament d’aguesta activitat qu’a estat tot un exit en territòri e a agut ua molt bona acuelhuda per part dera ciutadania, coma un servici de léser que fomente era practica esportiua entre diuèrsi collectius dera poblacion”, comente eth 2au tinent d’alcalde e còsso d’espòrts de Vielha e Mijaran, Alberto López.