Notícies Veir istoric
Demore dubèrt enquiath 18 de mai eth periòde de matriculacion der alumnat dera Escòla Mairau “Era Cunhèra” de Vielha entath cors escolar 2023/24
Es pairs/mairs dera mainadèra qu’a obtengut plaça auràn de portar era documentacion de besonh ar Ajuntament de Vielha e Mijaran en orari abituau d’atencion ath public o a trauès dera sedença electronica deth consistòri
Deth 8 ath 18 de mai demore dubèrt eth periòde de matriculacion entar alumnat dera Escòla Mairau “Era Cunhèra” de Vielha entath cors 2023/24, de P0, P1 e P2.
Es pairs/mairs dera mainadèra qu’a obtengut plaça entath pròplèu cors escolar, auràn de portar presenciaument era documentacion de besonh ar Ajuntament de Vielha e Mijaran en orari abituau d’atencion ath public (de deluns a diuendres des 9 as 14 ores) o a trauès dera sedença electronica deth consistòri.
Entà formalizar era matriculacion der alumnat calerà portar: fotocòpia de vacunes deth menor, certificat medic, fotocòpia dera targeta sanitària deth mainatge o dera mainada, numerò de compde bancari e fotografies (ua de tamanh 10x10 e 8 de tamanh carnet) e autorizacion dera utilizacion dera imatge deth mainatge o dera mainada.
Entath cors escolar 2023/24 i a auut era següenta relacion de preinscripcions de nau alumnat: en P0 7 sollicituds, P1 14 sollicituds e P2 3 sollicituds.
08/05/2023