Notícies Veir istoric
Der 1 ath 4 de junh Era Audiovisuau de Vielha acuelh era representacion dera òbra de teatre musicau “Eth Viatge d’Astria”
Er alumnat dirigit per Miguel Pineda interpretarà desparièrs numeròs musicaus damb er airau dera astronomia coma hiu conductor, en tot requectar sòs destinadi ara mainadèra des colònies d’ostiu dera Associacion Espanhòla Contra eth Càncer
Der 1 ath 4 de junh, tornen, un an mès, es representacions de teatre musicau en Era Audiovisuau de Vielha, en tot interpretar era òbra “Eth Viatge d’Astria”.
En aguest nau espectacle, damb guidon e direccion de Miguel Pineda, qu’aurà lòc entàs 19 ores, damb un totau de 4 foncions d’1 ora de durada, er alumnat interpretarà desparièrs numeròs de balh e musica damb era astronomia coma hiu conductor, en tot idear ua istòria imaginària damb ua galàxia apròp dera Tèrra nomentada Arania coma lòc a on se desvolòpe era accion. Toti/es es actors/itzes que participen en teatre musicau son aranesi/es.
Es entrades, a un prètz de 5€, se pòden aquerir ena recepcion der Ajuntament de Vielha e Mijaran, en orari d’atencion ath public des 8 as 14 ores, e ena Merceria Carisa de Vielha (Avenguda Castièro, 17, locau 3).
Toti es sòs requectadi anaràn destinadi ara mainadèra que realize es colònies d’ostiu ena Val d’Aran damb era Associacion Espanhòla Contra eth Càncer (AECC).
Eth teatre musicau compde damb era collaboracion der Ajuntament de Vielha e Mijaran e deth Conselh Generau d’Aran. En airau tecnic, i a era següenta participacion: Scenografia (ADDA), tecniques musicaus (Daviz Debaro), tecniques visuaus (Igo Lema), son e enlumenat (Jaume Turmo), Perruqueria e maquillatge (Colors & Style e Beauty Salon).
25/05/2023