Notícies Veir istoric
Ua alumna deth Cicle Formatiu de Grad Miei de Gestion Administratiua der Institut d’Aran realize practiques en Ajuntament de Vielha e Mijaran
Era escolana, que realize practiques Dual, i serà pendent es mesi de junh e junhsèga ena Oficina Tecnica, atau com ath long deth pròplèu cors escolar 2023-24, en tot realizar prètzhèts de gestion administratiua
Un an mès, er Ajuntament de Vielha e Mijaran e er Institut d’Aran mantien era collaboracion entà auer alumnes deth centre en tot realizar formacions practiques enes equipaments municipaus ath long deth cors escolar.
Es mesi de junh e junhsèga, ua alumna deth Cicle Formatiu de Grad Miei de Gestion Administratiua (CFGM-GAD) realize es sues practiques Dual ena Oficina Tecnica, damb orari de 7 ores diàries de deluns a diuendres, que seguirà pendent eth pròplèu cors escolar 2023-24 de dimèrcles a diuendres, enquia completar es ores de besonh, que finalizaràn eth pròplèu mes de mai.
Es practiques consistissen en prètzhèts restacadi damb era gestion administratiua.
Damb aguestes practiques se li balhe ara joenessa era possibilitat de conéisher de prumèra man eth foncionament dera administracion publica e formar-se en era.
“Des der Ajuntament mantiem aguest acòrd damb er Institut d’Aran, entà qu’es nòsti/es joeni/es agen eth sòn prumèr contacte damb eth mon laborau e poguen veir es possibilitats de trabalh que les pòt aufrir ua administracion publica", comente eth còsso der Ajuntament de Vielha e Mijaran, Alberto López.
20/06/2023