Notícies Veir istoric
Vielha e Mijaran tornarà a èster er epicentre deth trail running damb era celebracion dera 6au Trail Vielha-Molières 3010
Aguest dissabte 15 de junhsèga i aurà lèu 600 participaires, qu’aportaràn mès de 3.000 sojorns pendent era dimenjada, damb ua repercusion economica de mès de 200.000€ entath sector toristic deth municipi
Aguesta dimenjada, Vielha e Mijaran acuelh era celebracion dera 6au edicion dera Trail Vielha-Molières 3010. Ua pròva qu’en pòqui ans a artenhut ua repercusion fòrça importanta en mon des pròves de montanha (trails).
I aurà es 2 modalitats ja abituaus: Era Maraton Molières (43 Kms e 4200 mètres de desnivèu positiu) e era Montpius Skyrace (23 Kms e 1800 mètres de desnivèu positiu). Coma en edicions anteriores, i aurà participaires non sonque d’Espanha, senon tanben arribadi de desparièrs païsi d’Euròpa, en tot remercar eth caire internacionau qu’a era pròva.
Es oraris des corses son es següenti: Era gessuda dera Maraton Molières serà plaçada deuant der Ajuntament de Vielha e Mijaran (C/Sarriulèra, 2) entàs 06:30, e era gessuda dera Montpius Skyrace serà tanben en madeish endret, entàs 09:00.
Se demore que i age mès de 3.000 sojorns, en tot supausar ua repercusion economica de mès de 200.000€ en benefici de tot eth sector toristic deth municipi.
13/07/2023