Notícies Veir istoric
Era Còlha Santa Maria de Mijaran hestège es sòns 50 ans
Aguesta dimenjada, es dies 15 e 16 de seteme, era Còlha Santa Maria de Mijaran celebrarà es sòns 50 ans damb dus actes commemoratius entà méter en valor era aportacion musicau e culturau d’aguesta entitat e de totes es persones que i an format
Era Còlha Santa Maria de Mijaran complís enguan 50 ans e ac hestejarà aguesta dimenjada, es dies 15 e 16 de seteme, damb dus actes qu’an compdat damb era collaboracion deth Conselh Generau d’Aran e er Ajuntament de Vielha e Mijaran.
Eth dia 15 presentaran un vidèo commemoratiu dera sua istòria que se projectarà entàs 19:30 ena sala Era Audiovisuau de Vielha. Eth vidèo a estat produsit per Jaime Varela damb eth supòrt de Baqueira Beret.
Eth 16 de seteme, entàs 19:30 ena Sala Polivalenta de Vielha, aurà lòc er espectacle “50 ans de Còlha”, un acte dubèrt a tota era ciutadania e fòrça especiau que recorrerà era istòria dera Còlha de Santa Maria de Mijaran e en que i participaràn persones que n’an format part ath long d’aguesti ans. Pendent er acte actuaràn tanben es còlhes de “Es Fradins de Vielha”, “Es Corbilhuèrs de Les” e “Es Sautarèts de Bossòst”.
12/09/2023