Notícies Veir istoric
Eth Palai de Gèu repren es activitats dirigides en octobre damb ua ampla aufèrta esportiua
A compdar d’aguest mes d’octobre se pòt realizar Gap, Rythmic Bounce, Trx, Hiit, Core Fit, Pound, Efm e Aquasalut, en tot emplegar diuèrsi espacis dera installacion
A compdar d’aguest mes d’octobre, eth Palai de Gèu de Vielha a reprenut es activitats dirigides que s’aufrís abituaument de deluns a diuendres.
En aguest sens, era aufèrta esportiua ei tanplan importanta, en tot emplegar desparièrs sales e espacis dera installacion municipau. Eth calendari ei eth següent: EFM (Entrenament Foncionau Metabolic) s’aufrís es deluns e dimèrcles des 9 as 10 ores, Aquasalut se realize es deluns, dimèrcles e diuendres des 10 as 11 ores ena piscina interiora. Jumping Fitness s’aufrís es deluns des 20:10 as 20:55. GAP (Trabalh de glutis, abdominaus e cames) se realize dimars des 19:05 as 19:50, HIIT (Trabalh intervalic de nauta intensitat) a lòc dimars des 20:10 as 20:55, TRX (Trabalh muscular en suspension) s’aufrís dimèrcles des 20:10 as 20:55, Bosu a lòc dijaus des 19:05 as 19:50, Core Fit s’aufrís dijaus des 20:10 as 20:55, Stretching diuendres des 9 as 10 ores e Pound tanben diuendres des 19:05 as 19:50.
Atau madeish, enguan s’an reprenut, coma ei d’abituda, es corsets de patinatge sus gèu e de natacion. Era escòla de natacion compde damb un totau de 157 alumnes en orari de deluns a diuendres des 17 as 20 ores, damb assisténcia d’1 o 2 dies setmanaus. E era escòla de patinatge sus gèu compde damb 75 alumnes en orari de deluns a diuendres des 13:30 as 19:30, damb assisténcia d’1, 2, 3 o 5 dies setmanaus.
Ath delà, eth Palai de Gèu tanben aufrís es installacions entà activitats esportiues e culturaus extèrnes coma Sambo, Hockey Gèu, Aran Swim Team, dances e musicaus o entrenaments deth CETEI Val d’Aran, atau coma as usatgèrs d’ADDA e dera Associacion Contra eth Cancer, qu’acuelh a centeats d’usatgèrs. Pendent diuèrses epòques der an, ath delà, tanben acuelh jornades de tecnificacion de patinatge sus gèu dera Federació Catalana d’Espòrts D’Hivern e de diuèrsi clubs francesi.
“Eth Palai de Gèu ei era principau installacion esportiua qu’auem non sonque en Vielha e Mijaran, senon ena Val d’Aran, en tot aufrir servici a tota era gent deth territòri pendent lèu tot er an e, en aguest sens, auem reprenut es activitats dirigides damb ua aufèrta fòrça ampla e atractiua entà que pogue inscriuer-se-i gent de totes es edats e condicions fisiques”, comente eth còsso d’espòrts der Ajuntament de Vielha e Mijaran, David Moreno. E ahig qu“es donades d’abonats qu’auem actuaument mòstren qu’era gent seguís apostant preferentament peth Palai de Gèu coma lòc entà realizar activitats esportiues, e era evolucion seguís pujant. Açò demòstre que seguim peth bon camin, e des der Ajuntament de Vielha e Mijaran seguim trabalhant entà milhorar era installacion e era aufèrta esportiua”.
26/10/2023