Notícies Veir istoric
Er Ajuntament de Vielha e Mijaran a començat es òbres de milhora deth hilat d’aigua correnta e d’aigües lordes en carrèr Còsta de Vilac
Era intervencion ei finançada ath 100% per Ajuntament de Vielha e Mijaran per valor de 58.830,24€
Ja son en marcha es trabalhs de milhora des hilats municipaus en carrèr Còsta de Vilac, qu’amie a tèrme er Ajuntament de Vielha e Mijaran.
Aguesta intervencion compòrte eth montatge dera canalizacion de sanejament dera aigua correnta e aigües lordes, atau coma era creacion de potzi de registre damb tapes d’hòssa e eth montatge d’ua canau e rèisha interceptora entà redusir es aigües de pluja en carrèr. Atau madeish se formarà eth paviment damb base de morter e acabat de pèira coma eth que ja existís, damb godron sus ua base d’hormigon.
Eth 100% dera òbra ei finançada per Ajuntament de Vielha e Mijaran, coma actuacion qu’aufrís ena EMD de Vilac. Atau madeish, se manten eth compromís der equip de govèrn de Vielha e Mijaran de seguir en tot milhorar eth sistèma d’aigües de toti es pòbles deth municipi, coma servici basic que prèste ara ciutadania.
Ei previst qu’eth conjunt dera intervencion sigue prèst en pòques setmanes, abantes dera arribada der iuèrn.
“Damb aguesta intervencion, des der Ajuntament de Vielha e Mijaran mantiem eth compromís de milhorar es servicis basics dera ciutadania, coma ei eth cas der aigua, que ja hè fòrça ans que realizam en toti es pòbles deth municipi, e qu’atau seguiram pendent aguesta legislatura”, comente eth baile der Ajuntament de Vielha e Mijaran, Juan Antonio Serrano.
10/11/2023