Notícies Veir istoric
Er Ajuntament de Vielha e Mijaran s’ahig a ua ajuda dera Diputació de Lleida entà installar cargadors electrics entà coches e biciclètes
Aguesta mesura ei finançada pera Diputació de Lleida damb hons Next Generation dera Union Europèa, coma mesura de compromís damb eth desvolopament sostenible
Er Ajuntament de Vielha e Mijaran s’a aderit ath Plan de Sostenibilitat Toristica en Destinacion impulsat pera Diputació de Lleida, damb eth quau se procedirà ara installacion d’un cargador entà coches electrics e un dusau entà biciclètes electriques E-Bike e d’auti veïculs en rotes ciclistes.
Aguesta
mesura ei finançada pera pròpria Diputació de Lleida damb hons
Next Generation qu’a coma objectiu eth compromís fèrm damb eth
desvolopament sostenible. Er Ajuntament de Vielha e Mijaran
s’encuedarà dera sua installacion, metuda en foncionament e
manteniment.
Eth
cargador entà coches electrics serà de velocitat rapida damb d’uns
60kw damb capacitat entà dus veïculs, que permeterà ua autonomia
d’enquia 100 kms en mens de 15 menutes.
Pera
sua part, eth cargador de biciclètes electriques e d’auti veïculs
serà d’uns 6-8kw damb dues prenudes Schuko e dues preses addicionaus
T2.
En ambdús casi i aurà plataformes e sistèmes de pagaments a disposicion der Ajuntament de Vielha e Mijaran.
“Damb era installacion d’aguesti cargadors entà coches electrics, biciclètes electriques e d’auti veïculs, des der Ajuntament de Vielha e Mijaran mos aderim a d’aguesta iniciatiua de desvolopament sostenible impulsada pera Diputació de Lleida”, comente eth baile der Ajuntament de Vielha e Mijaran, Juan Antonio Serrano. E ahig que “des deth consistòri apostam pera milhora dera eficiéncia energetica, en tot suenhar eth miei ambient”.
24/01/2024