Notícies Veir istoric
Era bastissa dera Husteria de Vielha en Cap dera Vila se convertirà en un nau espaci recreatiu entà toti es vesins
Adjudicades per un impòrt de 65.609,24€, es òbres s’iniciaran enes proplèu mesi e es trabalhs compdaràn damb ua durada de 4 mesi
Er Ajuntament de Vielha e Mijaran a adjudicat es òbres entà amiar a tèrme era reforma dera bastissa dera antiga Husteria de Vielha plaçada en Cap dera Vila, entà que sigue un recinte de caire recreatiu a disposicion des vesins entà liure disposicion.
Aguesta bastissa se trape en condicions deficientes e, per aguest motiu, se realizarà ua milhora integrau. Se remodelaràn e adaptaràn es espacis interiors, se barrarà eth doble espaci existent entre es dues plantes, atau coma ampliar era façada dera planta baisha e s’adaptarà er exterior dera bastissa.
Eth conjunt des òbres a un pressupòst totau de 65.609,24€.
“Damb era remodelacion dera antiga Husteria de Vielha, metem a disposicion dera ciutadania aguesta bastissa coma recinte entà èster emplegat entara sua liure disposicion, damb multiples foncionalitats, coma espaci entà amassades familhars e d’amics, aniversaris, eca.”, comente eth baile de Vielha e Mijaran, Juan Antonio Serrano.
25/01/2024