Notícies Veir istoric
Er Ajuntament de Vielha e Mijaran amiarà a tèrme era reparacion e manteniment dera pista Tuca-Sarrahèra
S’actuarà en un tram de 9,5 kms que va des de Betren enquiara boca nòrd deth Tunèl de Vielha, a on s’apariaràn es horats e desperfèctes causadi pera pluja e eth pas des coches, e s’i plaçarà materiau “tot-un” artificiau
Er Ajuntament de Vielha e Mijaran
realizarà era reparacion e manteniment dera pista forestau
Tuca-Sarrahèra. Se tracte d’un tram de 9,5 kms que comence en tèrme
de Betren enquia arribar ena boca nòrd deth Tunèl de Vielha. Era
superfícia
intervenguda serà deth 20,6% deth totau dera pista definida.
Aguesta pista ei accessibla entà veïculs 4x4 sense pavimentar, presente fòrça desperfèctes causadi pera pluja e eth pas de coches. Aguesti horats que s’i trapen hèn qu’eth sòn pas sigue perilhós e incomòde autant entà veïculs coma persones qu’i transiten.
Aguesta actuacion supausarà eth subministrament deth materiau coneishut coma “tot-un” artificiau entà deishar era pista planèra, en tot emplegar ua mini carregadora e dues dúmpers de transpòrt de tèrres, atau coma ua mashina compactadora. En aqueres zònes maumetudes se realizarà celhs d’enquia 5 cms de materiau.
Eth pressupòst finau d’aguesta actuacion ena pista Tuca-Sarrahèra ei de 47.246,86€ e compde damb ua subvencion dera Diputació de Lleida, deth "Pla d’arranjaments de camins - gener 2023-Juny2024" e s’executaràn ena primauera.
“Aguesti trabalhs de milhora dera pista Tuca-Sarrahèra son tanplan de besonh pr’amor que se trape en un estat maumerenc e ei perilhós entath transit autant de veïculs 4x4 coma de persones”, comente eth baile de Vielha e Mijaran, Juan Antonio Serrano.
29/02/2024