Notícies Veir istoric
Dus alumnes deth Plan de Transicion ath Trabalh (PTT) d’Auxiliar de Vendes, Oficina e Atencion ath Public dera Escòla d’Ostalaria de Les realizen practiques en Palai de Gèu e era Bibliotèca Generau de Vielha
Er Ajuntament de Vielha e Mijaran manten eth compromís aquerit hè diuèrsi ans d’acuélher alumnes de diuèrsi centres educatius dera Val d’Aran entà ajudar-lis a iniciar-se en mon laborau
Un an mès, er Ajuntament de Vielha e Mijaran manten era collaboracion damb es centres educatius dera Val d’Aran entà auer alumnes en tot realizar formacions practiques enes equipaments municipaus ath long deth cors escolar.
Pendent es mesi d’abriu e mai, dus alumnes deth Plan de Transicion ath Trabalh (PTT) d’Auxiliar de Vendes, Oficina e Atencion ath Public dera Escòla d’Ostalaria Les-Val d’Aran se trapen en tot hèr practiques en Palai de Gèu e ena Bibliotèca Generau de Vielha. Ues practiques contunhades en orari de deluns a diuendres des 16 as 20 ores, en tot ajudar en desvolopament ordinari des installacions, en tot realizar prèthèts administratius.
Atau madeish, pendent aguest cors escolar i a ua alumna deth Cicle Formatiu de Grad Miei de Gestion Administratiua (CFGM-GAD) que realize es sues practiques Dual ena Oficina Tecnica, damb orari de dimèrcles a diuendres, enquia completar es ores de besonh, que finalizaràn eth pròplèu mes de mai.
Es practiques consistissen en prètzhèts restacadi damb era gestion administratiua.
Damb aguestes practiques se li balhe ara joenessa era possibilitat de conéisher de prumèra man eth foncionament dera administracion publica e formar-se en era.
“Des der Ajuntament auem un acòrd damb er Institut d’Aran, e enguan tanben damb era Escòla d’Ostalaria Les-Val d’Aran, entà qu’es nòsti/es joeni/es agen eth sòn prumèr contacte damb eth mon laborau e poguen veir es possibilitats de trabalh que les pòt aufrir ua administracion publica", comente eth dusau tinent d’alcalde e còsso d’ensenhament der Ajuntament de Vielha e Mijaran, Alberto López.
09/04/2024