Notícies Veir istoric
Enguan, eth Palai de Gèu hè 30 ans d’ençà dera sua dubertura
Eth Palai de Gèu, installacion esportiua de referéncia ena Val d’Aran per toti es espacis e servicis qu’aufrís ara ciutadania. Tot amassa a cabuda entà gaudir dera practica esportiua e fomentar atau abituds saludables entà mantier ua vida ac
Son fòrça es persones qu’an passat per aguest equipament esportiu e, qu’a dia d’aué, an restacades es sues rotines ad aguest servici. Aguest viatge en temps mos ajude a méter era valor era importància deth teishut esportiu e tot çò que compòrte. Equipes de trabalh, entrenadors, esportistes, usatgèrs, escolans, toristes..., era indústria esportiua a evolucionat fòrça en aguest temps en tot apuntar a naui besonhs e tendéncies actuaus d’ua societat que cada viatge tendís mès ath sedentarisme, ar emplec des pantalhes e era tecnologia. Avalorar aguesti espacis e, er entorn ideau que presente era Val d’Aran enes sòns espacis dubèrti e naturaus entà connectar damb un madeish, d’autes persones e crear ligams e sinergies que somen ara societat actuau ei vitau entà encarar eth futur.
Er Ajuntament de Vielha apòste per qu’aguestes installacions demoren daurides dia a dia e aufrir eth melhor servici possible. Des der equip deth Palai de Gèu e er Ajuntament de Vielha se premanissen quauques activitats entà hestejar es 30 ANS DAMB TU.
Mantietz-vos atenti enes canaus de comunicacion municipau e es hilats sociaus.
10/07/2024