Notícies Veir istoric
INFORMACION D’INTERÈS ENTÀS VESINS DETH MUNICIPI DE VIELHA E MIJARAN
Er Institut Nacionau d’Estadistica realizarà en Vielha e Mijara era Enquèsta de Condicions de Vida (ECV)
Des der Institut Nacionau d’Estadistica (INE) ath laguens deth programa d’enquèstes adreçades as larèrs, se realice era Enquèsta de Condicions de Vida (ECV).
Aguesta enquèsta a coma objectiu eth d’obtíer informacion entar estudi dera praubesa e dera desigualtat, eth seguiment dera coesion sociau en territòri, er estudi des besonhs dera poblacion e der impacte des politiques sociaus e economiques sus es larèrs e es persones, atau coma tath dessenh de naues politiques.
Entà participar en aguesta enquèsta, s’an seleccionat alleatòriament diuèrsi larèrs des vesins residenti en municipi de Vielha e Mijaran, que receberàn era visita d’un des entrevistadors der Institut Nacionau d’Estadistica, degudament identificat, e que informarà ampliament sus es aspèctes mès releuants d’aguesta investigacion e formularà disparières preguntes de besonh entara sua realizacion.
Ei important remercar que totes es donades que se poguen derivar dera entrevista son estrictament confidenciaus e son protegides peth secrèt estadistic, talament coma establís era Ley de la Función Estadística Pública, que proibís er usatge des donades personaus individualizades per quinsevolh institucion publica e privada.
Gràcies pera vòsta collaboracion.
08/06/2015