Notícies Veir istoric
Eth Palai de Gèu repren es activitats dirigides a compdar deth 30 de seteme damb ua ampla aufèrta esportiua
As activitats abituaus, cau ahíger es nauetats que presente aguesta sason damb era tornada des classes de Iòga o era incorporacion deth Wellfit
A compdar deth pròplèu 30 de seteme, eth Palai de Gèu de Vielha reprenerà es activitats dirigides que s’aufrís abituaument de deluns a diuendres.
En aguest sens, era aufèrta esportiua ei tanplan importanta, en tot emplegar desparièrs sales e espacis dera installacion municipau. Eth calendari ei eth següent: Fitball Training (Trabalh de tonificacion musculara damb fitballs) s’aufrís es deluns des 09:10 as 09:55, Aquasalut se realize es deluns, dimèrcles e diuendres des 10:10 as 10:55 ena piscina interiora. Iòga se poderà gaudir es deluns, dimèrcles e diuendres en orari des 11:10 a 12:10 e es dimars e dijaus des 15:30 as 16:30. Aquagim aurà lòc es deluns e dimèrcles des 15:10 as 15:55 e dimars e dijaus des 21:00 as 21:45. TRX (Trabalh muscular en suspension) s’aufrís es deluns des 19:10 as 19:55 e es dimèrcles des 20:10 as 20:40. HIIT (Trabalh intervalic de nauta intensitat) aurà lòc es deluns des 20:10 as 20:55. Pound s’aufrirà es deluns des 20:10 as 20:40 e es dijaus des 09:10 as 09:55. Esquia Sana, s’impartirà es dimars des 09:10 as 09:55. Elastics aurà lòc es dimars des 10:10 as 10:55. Gac (trabalh deth cu, abdominaus e cames) s’impartirà es dimars des 19:10 as 19:55. Spinbike aurà lòc es dimars e dijaus des 20:10 as 20:55. Circuit Training aurà lòc es dimèrcles des 09:10 as 09:55. PEB (Trabalh de pitrau, esquia e braci) s’impartirà es dimèrcles des 19:10 as 19:55. Abdominal Train s’impartirà es dimèrcles des 20:10 as 20:55. Wellfit aurà lòc es dijaus des 10:10 as 10:55. Strong Fit aurà lòc es dijaus des 19:10 as 19:55. Stretching aurà lòc es diuendres des 09:10 as 09:55 e des 21:00 as 21:45. Bosu aurà lòc es diuendres des 19:10 as 19:55. Jumping Fitness s’aufrís es diuendres des 20:10 as 20:55.
Ath delà, eth Palai de Gèu tanben aufrís es installacions entà activitats esportiues e culturaus extèrnes coma Sambo, Hockey Gèu, Aran Swim Team, dances e musicaus o entrenaments deth CETEI Val d’Aran, atau coma as usatgèrs d’ADDA e dera Associacion Contra eth Cancer, qu’acuelh a centeats d’usatgèrs. Pendent diuèrses epòques der an, ath delà, tanben acuelh jornades de tecnificacion de patinatge sus gèu dera Federació Catalana d’Espòrts D’Hivern e de diuèrsi clubs francesi.
“Eth Palai de Gèu ei era principau installacion esportiua qu’auem non sonque en Vielha e Mijaran, senon ena Val d’Aran, en tot aufrir servici a tota era gent deth territòri pendent lèu tot er an e, en aguest sens, auem reprenut es activitats dirigides damb ua aufèrta fòrça ampla e atractiua entà que pogue inscriuer-se-i gent de totes es edats e condicions fisiques, e que compde damb diuèrses nauetats”, comente eth còsso d’espòrts der Ajuntament de Vielha e Mijaran, David Moreno. E ahig qu“es donades d’abonats qu’auem actuaument mòstren qu’era gent seguís apostant preferentament peth Palai de Gèu coma lòc entà realizar activitats esportiues, e era evolucion seguís pujant. Açò demòstre que seguim peth bon camin, e des der Ajuntament de Vielha e Mijaran seguim trabalhant entà milhorar era installacion e era aufèrta esportiua”.
25/09/2024