Notícies Veir istoric
Era Escòla Mairau “Era Cunhèra” de Vielha realize corsi de formacion ath sòn personau pendent eth mes d’octobre
Es corsi que s’impartiràn seràn sus: taules d’experimentacion, literatura adaptada ara psicomotricitat, activitats damb lum, programacion de situacions d’aprendissatge e recorsi d’avaloracion
Pendent aguest mes d’octobre era Escòla Mairau “Era Cunhèra” de Vielha realize corsi de formacion ath sòn personau.
Es corsi que s’impartiràn son: “Minimon e pèces sueltes”, en tot trabalhar damb taules d’experimentacion. “Conde motors”, en tot trabalhar damb literatura en moviment, en tot restacar era psicomotricitat damb era literatura. “Taula de lums e activitats damb era lum”, en tot experimentar activitats damb era lum. “Programacion de situacions d’aprendissatge entara educacion infantila”, de manèra que se produsís ua adaptacion ath nau curriculum. E “Airines e recorsi d’avaloracion”, que permeterà auer mès recorsi e poder premanir es avaloracions.
Aguesta formacion contunhada ei essenciau entà balhar ath personau deth centre es coneishements de besonh entà que poguen desvolopar es sòns prètzhèts pedagogics e didactics damb er alumnat.
“Des deth consistòri credem de besonh qu’eth professorat dera Escòla Mairau “Era Cunhèra” de Vielha seguisque en tot aquerir mès coneishements, entà melhorar era sua labor, qu’ei essenciau entara mainadèra, pr’amor qu’enes prumèri ans dera sua escolarizacion aprenen valors que dempús les an d’ajudar enes següentes etapes escolares”, comente eth dusau tinent d’alcalde e còsso d’ensenhament de Vielha e Mijaran, Alberto López.
01/10/2024