Notícies Veir istoric
Er Ajuntament de Vielha e Mijaran inície un procès de participacion ciutadana entà modificar e crear diuèrses ordenances municipaus
Es ciutadans poiràn hèr arribar enes següents 30 dies es sues aportacions sus es següentes 4 ordenances: convivéncia ciutadana, proteccion e possession d’animaus, circulacion e publicitat
Er Ajuntament de Vielha e Mijaran met en foncionament, a compdar d’aué, un procès de participacion ciutadana entà modificar un seguit d’ordenances municipaus.
I a un totau de 4 ordenances que se modificaràn, o que se crearàn. En aguest sens, se modificaràn es de circulacion e publicitat, e se crearàn es de convivéncia ciutadana e proteccion e possession d’animaus.
Es ciutadans an 30 dies entà poder hèr arribar ath consistòri es sues aportacion en relacion a quinsevolha, o totes, es ordenances que son objècte de modificacion o creacion. Posterioraments, ua comission tecnica redactarà un avantprojècte que se presentarà ena següenta session ordinària deth plen municipau entà èster aprovat, qu’ei previst en mes de noveme.
“Damb aguest procès de participacion ciutadana, volem qu’era nòsta gent pogue préner part e aportar es sues opinions en relacion as ordenances que volem modificar o crear”, comente eth baile de Vielha e Mijaran, Juan Antonio Serrano. E ahig que “son ahèrs sensibles e qu’afècten a toti, per aquerò vos encoratgi a participar e entre toti cercar es milhors prepauses que dempús auràn de regir en forma d’ordenança municipau d’obligatòri compliment en favor deth nòste benèster”.
02/10/2024