Notícies Veir istoric
Signatura des convènis de collaboracion damb era Associacion deth Comèrc e Evalia
Eth dimars 2 de deseme er Ajuntament de Vielha e Mijaran a signat eth convèni de collaboracion damb era Associacion deth Comèrç de Vielha e Mijaran e era enterpresa Evalia, dera man der alcalde deth cap-lòc dera Val d’Aran, Alex Moga.
Per un costat, s’a signat er acòrd damb era Associacion deth Comèrç entàs accions organizades en 2014 entara potenciacion deth comèrç deth municipi. En aguest convèni eth consistòri aranés s’a comprometut a dar ua ajuda economica de 1.000 èuros.
Per aute, en acòrd damb Evalia Aran S.L., er Ajuntament de Vielha e Mijaran apòrte ua quantitat de 4.000 èuros e era cession deth Palai d’Espòrts, entara celebracion der European Mountain Meeting (EMMeet) 2014, un congrès que deth 30 d’octobre ath 2 de noveme amassèc en Vielha a bèri uns des milhors esportistes de montanha deth mon.
Damb era signatura deth convèni, Alex Moga a declarat que “contunham en tot da supòrt ara activitat economica deth municipi. Es acòrds damb aguestes dues entitats mos ajuden a mantier Vielha e Mijaran coma destinacion de montanha e d’espòrts d’iuèrn de referéncia, amassa damb Baqueira-Beret”.