Notícies Veir istoric
Er Ajuntament de Vielha Mijaran solucione deficiéncies dera sala polivalenta
Aguestes son es prumères actuacions qu’eth consistòri realize entà adequar aguest espaci, ara demora des estudis que s’amien a tèrme tà convertir-lo en un centre de convencions e sala multifoncionau.
Pendent es darrères setmanes s’an desvolopat es trabalhs urgents de melhora e adequacion des façanes exteriores dera sala polivalenta de Vielha. Aguestes se trapauen en fòrça mau estat e suposauen un grèu risc tara seguretat des persones. En aguest madeish sentit, enes pròplèu dies s’encetaràn es trabalhs qu’an de solucionar es problèmes de filtracions e gotères dera cubèrta d’aguesta sala.
Segontes a declarat er alcalde de Vielha, Juan Antonio Serrano: “damb aguesta prumèra fasa d’actuacion se preten paliar es efèctes dera manca de mantenement qu’aguesta infraestructura a patit, e demoram que lèu pogam plantejar es actuacions de besonh entà, atau e coma prometerem, poder convertir aguest edifici en un centre de convencions”
21/08/2015