Notícies Veir istoric
Vielha e Mijaran recupère era tradicion der arbe de nadau ena Plaça dera Glèisa de Vielha
Dempús d’ans sense amiar-se a tèrme, er Ajuntament de Vielha e Mijaran recupère era tradicion de plaçar un arbe de Nadau ena Plaça dera Glèisa.
Er auet, qu’a estat cedit per un particular, serà decorat per garlandes e bombetes de baish consum.
Era inauguracion der enllumenat de Nadau deth Municipi, qu’a coma èish centrau aguest espectacular arbe, se realizarà eth diuendres 4 de deseme, en un acte tath que son convidadi toti es vesins e visitants.
Aguesta accion s’enmèrque laguens dera linha de trabalh dera Equipa de Govèrn d’apostar pera recuperacion des nòstes tradicions e ath madeish temps, optar peth consum sostenible e responsable, damb un enlumenat de baish consum, qu’enguan serà totaument renauït.