Notícies Veir istoric
Vielha e Mijaran se hig as actes de condemna contra es atemptats de Brusselles
Er Alcalde der Ajuntament de Vielha e Mijaran a liejut un manifest enes cubèrts der ajuntament en repulsa as atemptats deth 22 de març e ara seguida s’a sauvat ua menuta de silenci en repecte as victimes mortaus
Manifest der Ajuntament de Vielha e Mijaran en condemna as atemptats de Brusselles:
Mos auem amassat aué entà expressar eth nòste respècte e solidaritat damb toti es ciutadans de Brusselles, sostot, damb es victimes e es sòns familiars qu’an vist coma es sues vides se truncauen damb eth brutau atemptat terrorista d’ager.
Sabem qu’ena societat actuau un des risqui qu’auem d’afrontar ei eth dera globalizacion terrorista. Per aquerò, auem de demorar junti e préner totes es mesures de besonh entà acabar damb aguesta lacra e arténher qu’era patz sigue era nòsta unica frontèra.
Condemnam damb absoluta e taxativa rotonditat aguest atemptat e toti es atemptats terroristes pr’amor que credem que cau expressar-se a trauèrs dera democràcia e dera libertat, jamès a trauès dera violéncia. Eth terrorisme non pòt justificar-se jamès.
Ara, sauvaram ua menuta de silenci en memòria des victimes.
Fòrça gràcies a toti.