Notícies Veir istoric
Er Ajuntament de Vielha e Mijaran signe es convènis de cooperacion damb es EE.MM.DD. per un valor de 116.326,40€
Juan Antonio Serrano, baile de Vielha e Mijaran, s’amasse e signe es convènis damb es bailes des pedanies
Des deth darrèr diuendres 1 d’abriu enquia aué, deluns 4 d’abriu, Juan Antonio Serrano, baile de Vielha e Mijaran s’a amassat entà signar, es Convènis de Cooperacion damb es bailes des Entitats Municipaus Descentralizades d’ Arròs e Vila, Aubèrt, Betren, Casau, Escunhau e Casarilh, Gausac e Vilac. Aguesti acòrds de cooperacion an era finalitat de poder finançar part des competéncies qu’an aguestes Entitats Municipaus Descentralizades e que pas son finançades directaments per Ajuntament de Vielha e Mijaran.
Er impòrt totau d’aguesti acòrds ei de 116.326,40€ entar an 2016 e se repartissen dera següenta forma: EMD d’Arròs e Vila: 11.359,50€ EMD d’Aubèrt: 17.924,38€ EMD de Betren: 23.265,30€ EMD de Casau: 7.060,50€ EMD d’Escunhau e Casarilh: 11.946,23€ EMD de Gausac: 34.442,72€ EMD de Vilac: 10.327,77€ Aguesti acòrds de cooperacion s’establissen en article 82 deth Decrèt Legislatiu 2/2003, de 28 d’abriu, peth que s’apròve eth Tèxte reconeishut dera Lei Municipau e de Regim Locau de Catalonha e pes quaus son competéncies des Entitats Municipaus Descentralizades: - Era vigilància des bens d’usatge public e des comunaus. - Era conservacion e administracion deth sòn patrimòni, includit eth forestau e era regulacion deth profitament des sòns bens comuns. - Er enlumenat public e era neteja viària. - Era execucion d’òbres e era prestacion de servicis de competéncia municipau d’interès exclosiu dera entitat, que non son a càrrec deth municipi respectiu o dera comarca. - Era ordenacion deth trànsit de veïculs e de persones en sòn àmbit. - Era conservacion e eth manteniment des parcs e jardins e deth patrimòni istoric e artístic deth sòn àmbit. - Es activitats culturaus e esportiues dirèctament vinculades ara entitat. Ath delà d’aguesti acòrds, er Ajuntament de Vielha e Mijaran, contunhe d’assumir es còsti derivadi d’aguestes pedanies, dera neteja d’accèssi, retirada de nhèu, trabalhs de mantenença e apariament des vies publiques, aigua, lum e sistema de conducción des aigües, entre d’auti
04/04/2016