Notícies Veir istoric
Accions destinades ara gestion sostenible dera energia e era ordenança ambientau dera illuminacion exteriora dera zòna Deth Solan de Vielha
Includida ena Orde Tes/177/2015
Er Ajuntament de Vielha e Mijaran, a trauès dera enterpresa adjudicatària e encargada des òbres, Endesa Ingeniería S.L.U., a cambiat 114 fanaus dera Zòna Eth Solan de Vielha per un pressupòst totau de 57.452,01€. Era òbra, laguens eth Plan d’Accion entà ua energia sostenible der Ajuntament de Vielha e Mijaran, s’a amiat a tèrme pendent es mesi d’iuèrn e a modificat 114 fanaus en totau, de menor poténcia mès de major eficiéncia, enes carrèrs Arroquets, Molieres, Comets, Querimonia e es Avengudes Garona e Maladeta. Segontes Jacinto Cuny, còsso d’Infrastructures, Òbres e Servicis “aguesta mielhora de lum, de major qualitat, d’auriòla a blu, e damb ua grana mielhora economica, ei plan ben arrecebuda pes vesins” e respecte ara amortizacion dera òbra “ei previst que de 5 a 7 ans sigue totauments amortizat eth còst dera madeisha damb er estauvi que compòrte era mielhora en enlumenat”. Es naui fanaus son dera mèrca Salvi/Roura damb bombilla de vapor de sodi a nauta pression de 70W, damb còs de fundicion d’alumini de color nere.
06/04/2016