Notícies Veir istoric
Er Ajuntament installe malhes entà esvitar esguitlades enes passarèles de husta des arrius Nere e Garona entà refortilhar era seguretat en iuèrn
Se tracte d’ua pròva pilòt includida laguens dera campanha municipau “Carrèr a Carrèr” qu’incremente era aderéncia e qu’aurà mès durada
Er Ajuntament de Vielha e Mijaran a iniciat era installacion de malhes entà esvitar esguitlades enes diuèrses passarèles de husta plaçades en entorn fluviau des arrius Nere e Garona, damb er objectiu de melhorar era seguretat des pedons pendent es mesi d’iuèrn.
En aguesta epòca der an, era umiditat e es gelades incrementen eth risc d’eslissades en superfícies de husta. Enquiara, eth consistòri aplicaue cada ostiu un tractament de pentura de prevencion d’esguitlades, mès era sua efectivitat se redusís damb eth pas der iuèrn e requerís accions contunhades.
Per aguest motiu, er Ajuntament impulse ara ua pròva pilòt basada en ua solucion qu’aurà mès durada: ua malha que preven es esguitlades fixada sus era husta qu’incremente era aderéncia e permet mantier er itinerari en melhores condicions de seguretat pendent tot er an. Era accion hè part dera linha de melhora contínua der espaci public e dera campanha municipau de “Carrèr a Carrèr”.
Es trabalhs se realizen de forma progressiua entà minimizar afectacions. Se recomane ara ciutadania circular damb precaucion, respectar era senhalizacion e extremar era atencion en episòdis de gèu. En finalizar eth periòde iuernau s’avalorarà eth comportament dera solucion.
Lieger mès
13/02/2026
Eth plen der Ajuntament de Vielha e Mijaran apròve eth Plan Estrategic de Subvencions Municipaus de 2026 e 2027
Lieger mès
04/02/2026
Er Ajuntament de Vielha e Mijaran daurís un procès de participacion publica entà elaborar eth reglament d’usatge des equipaments socioculturaus
Lieger mès
26/01/2026
Reforma des installacions d’enlumenat public exterior deth municipi de Vielha e Mijaran e substitucion per tecnologia led en tot includir telegestion
Era obra consistís era
Lieger mès
