Notícies Veir istoric
Novetats enes activitats de mai organizades per Ajuntament de Vielha e Mijaran
Entà d’aguest mes de mai, eth Ajuntament de Vielha e Mijaran a preparades fòrça activitats populars, qu’enguan an diuèrses novetats
Eth 11 de mai se celèbre era Hèsta de Sant Pònç, damb eth XXV Concors de pastissons, mermeladas e licors. Un concors fòrça celebrat entre toti es vesins e qu’enguan se realizarà ena plaça dera Glèisa. Aurà nau categories entà concursar, damb un prèmi cadua, de 75€ entà gastar en quinsevolh establiment deth municipi. Eth dissabte 14 de mai, se celèbre, per prumèr còp, er Hestivau dera Primauera de Vielha, damb Bollywood Holi. Exibicion de dances, lançada de colors e talhèrs de dança hindú. Tot ena plaça dera Glèisa de Vielha. Londeman, dimenge 15, se celebrarà era Hèira dera Oelha Aranesa, damb eth X Concors morfologic dera oelha aranesa. Exibicion de oelhes, jòcs infantils, esdéjoar popular, e talhada de troncs, completaran es activitats dera jornada.
Entath 22 de mai, Hèsta de Santa Quitèria, era novetat ei eth Minjar Popular qu’organize eth Ajuntament de Vielha e Mijaran. Es tickets s’an de crompar ena recepcion deth Ajuntament, damb un prètz de 15€ entà adults e de 10€ entà mainatges. Esdejoar popular, Missa, Benediccion deth Tèrme, Charanga e Balh de tarde complèten eth programa d’aguesta hèsta ena Boca Sud deth Tunèl. Les arrebrembam qu’era enterpresa Alsa aufrís transpòrt gratuït entà viatjar ara boca sud deth tunèl damb gessudes des dera parada de Vielha tas 10.00 e tas 11.00 e ara tornada, i aurà autobusi des deth refugi deth tubnèl tas 18.00 e tas 19.00 ores.
02/05/2016